web counter
LEXO PA REKLAMA!

SHKARKO APP

App Store
Google Play

Çuni i Fahriut konfrontohet me policinë/ Janë të pabesë

4 Dhjetor 2018, 12:30, Aktualitet CNA

Pas tensionesh të shumta është shembur godina dy katëshe në zonën e Laprakës, e cila preket nga ndërtimi i Unazës së Madhe. Policia ka ndërhyrë duke nxjerrë me forcë banorët nga godina, të cilët prej orësh ishin ngujuar brenda saj, pasi kundërshtonin aksionin e IKMT-së.

Ndërkohë i pranishëm në vendin e ngjarjes ishte edhe deputeti i PD, Klevis Balliu i cili është konfrontuar me forcat e policisë.

Në një prononcim për mediat, Balliu e ka cilësuar si të pabesë policinë, ndërsa theksoi se kjo është fytyra e vërtetë e Edi Ramës.

?Kjo është pamje e fytyrës së Edi Ramës. Ndaj policisë së shtetit nuk është ushtruar asnjë dhunë nga ana e banorëve. Pavarëisht kërcënimeve nga banda e Habilajve janë sjellë si qytetarë.

Të marrim shembull nga Franca, nga vëllezërit tonë europiane. Kur fiton një banditm, shembet një shtëpi, kur fiton një qytetar ndërtohet shteti. Të shembet shtëpia do të thotë të shembet jeta. Kjo ishte për hir të diskutimit, që zonja ka bërë me mirëbesim me Policinë e Shtetit, por janë të pabessë.

Këto meritojnë revoltë sot, protesta do të jetë më e madhe. Do vazhdojmë mbështetjen tonë për këta qytetarë që po mbrojnë shtëpitë e tyre kundër një banditi si Edi Ramës.?-tha deputeti Balliu.

Kush gëzon nga shkatërrimi i qytetarëve, nuk duhet të jetojë në këtë vend. Sa para të tjera duhet të presim të vjedhin nga ky shtet. Gjithë policia të hedhi kapelet të marrë shembull nga policia e Francës, e cila iu bashkua kauzës së qytetarëve për naftën?, tha Balliu.





Lajmet e fundit nga