web counter
LEXO PA REKLAMA!

SHKARKO APP

App Store
Google Play

Stërnipi i Ismail Qemalit tregon çfarë di për themelimin e shtetit shqiptar

29 Nëntor 2018, 15:45, Aktualitet CNA

I ftuar në rubrikën ?Opinion? në News24, stërnipi i Ismail Qemalit, Nedim Qemal Vlora ka rrëfyer gjithçka di për themeluesin e shtetit shqiptar.

Nedim Vlora ka thënë se në shtëpinë e tyre është festuar gjithmonë 28 nëntori, ndërsa ka treguar se personi që i ka qendruar afër Isamil Qemalit ka qenë djali më i madh, Mahmuti, gjyshi i tij.

?Ishte më i madhi, më ekspert. Kishte një eksperiencë në punën me sulltanin. Për aktivitetin e tij ka qenë i internuar për 8 vite. E ruaj ende lejen, që ishte falja e sulltanit për t?u kthyer nga internimi në Stamboll. U kthye i sëmurë për fat të keq dhe kërkoi ambiente më të përshtatshme për shëndetin. Fillimisht në Napoli dhe më pas në Nicë?.

Më tej ai ka thënë se vendi po ecën, por ka akoma shumë rrugë për të bërë sepse nuk gënjehet nga ndryshimet në Tiranë e Vlorë por duhen ndryshime në fshatin shqiptar.

?Duke qenë qytetar nderi i Vlorës, duhet domosdoshmërisht të mbroj Vlorën. Por duhet të them se Shqipëria më në fund është vënë në rrugën e duhur. Ka shumë për të bërë. Nuk impresionohem nga zhvillimet që ka Vlora apo Tirana, termometri i vërtetë i situatës është në fshatra, në fusha, në bujqësi, ja pse thashë se ka nisur të ecë por duhet të bëjë shumë rrugë.

E shoh problematike të ardhmen e të rinjve në Shqipëri. Duhet një program i thelluar, kapilar ekonomik?, tha Nedim Qemal Vlora./ CNA.al





Lajmet e fundit nga