E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rrëfehet gazetari shqiptar/ Tregon pse jemi shoqëri depresive

27 Nëntor 2018, 17:29, Aktualitet CNA

Gazetari Mentor Kikia me anë të një postimi në rrjetet sociale ka treguar disa episode nga e përditshmja e tij.

Kikia shkruan se mjafton të bësh një xhiro në rrugët e Tiranës për të kuptuar se ne jemi shoqëri depresive.

?Mos jemi gjë të gjithë të çakërdisur nga trutë ne? Mjafton të bësh një xhiro në rrugët e Tiranës(jo nga Unaza e Re) dhe mbledh mjaftueshëm prova për të kuptuar se jemi një shoqëri depresive.

Nuk e ekzagjeroj.

Po ju tregoj disa episode: Në afrësi të ish stacionit të trenit, një makinë ka ndaluar duke bllokuar rrugën. Burri në timon, gruaja hyn e del nga dyqani. Dikush, para meje, i tërheq vëmendjen burrit për bllokimin e rrugës. Ai zbret nga makina, duke turfulluar e duke sharë me sa kishte në kokë(me rob, me shpi, e kështu gjërash), dhe tenton ti hapë derën e makinës me dhunë. Hapet semafori e ai ikën, duke e lënë burrin që shkumëzonte duke sharë. Shkaku ishte pse i tha që ke zënë rrugën. Dy semaforë më tutje, unë i pari, dikush pas meje i binte borisë pa ndalim.

-Po ku të shkoj, është semafori i kuq ? i thashë.

-Ec more më plasi mua për semaforin, hape rrugën. S?pashë të kishte ndonjë urgjencë mjeksore se ishte vetëm në makinë. Mbylla veshët deri sa u hap semafori? ? ka shkruar gazetari në postimin e tij.

Më tej ai tregon se tek tek rrethrrotullimi i Zogut të Zi dy makina fërkohen, pa dëmtime serioze.

?Nga njëra dalin dy vetë dhe godasin xhamin e tjetrit, duke ulëritur. Pak më tutje dy policë që pëpriqen të vënë rregull në këtë katrahurë, vijnë me vrap dhe i qetësojnë. Këto skena i hasa në harkun e 35 minutave. Por ajo që shikoj në tërësi, është se njerëzit nuk janë të qetë, nuk janë të qeshur. Nuk dinë të thonë: Ah, më fal, të lutem! Janë nervozë, agresivë, të gatshëm të sulmojnë, të dhunshëm. Ky është një problem i madh social, pasi është burim kriminaliteti? ?rrëfen gazetari.

Ndërsa në përfundim të postimit të tij, ai pyet është genetike kjo, apo jetojmë në mjedisie kaq stresante sa jemi çakërdisur të gjithë nga trutë?/ CNA.al