web counter
LEXO PA REKLAMA!

SHKARKO APP

App Store
Google Play

Foto/ 25 vite “bashkëjetesë” e dhunshme me kanalin e ujërave të zeza

26 Nëntor 2018, 09:23, Aktualitet CNA

Prej 25 vitesh banorët lagjes numër 18 në qytetin e Durrësit janë të detyruar të bashkëjetojnë me kanalin e hapur të ujërave të zeza që përshkon rrugët ?Azem Hajdari? dhe ?Ohri?.

Kur banorët e parë të mbërritur në këtë zonë ndërtuan shtëpitë kryetar i Bashkisë Durrës ka qenë Arqile Gorreja, ndërsa atë e pasuan Miri Hoti, Lefter Koka e Vangjush Dako që vijon ende në pushtet.

Ndërsa banorët kanë shkrirë kursimet e tyre në emigrim për të ndërtuar banesat i vetmi investim nga bashkia është neglizhenca dhe harresa.

Ky kanal i ujërave të zeza me kalimin e viteve është kthyer edhe në një vendgrumbullim për mbetjet urbane e në një rrezik serioz për jetën e banorëve. Kanali i ujërave të zeza ndër vite është zgjeruar duke marrë nga dy anët e rrugës e nëse nuk mbyllet brenda dhjetë vitesh rrezikon që banorëve në dy anë të rrugës tu hyjë banesa.

Pamjet e filmuara nga banorët e zonës nuk kanë nevojë për shumë koment, teksa tregojnë për situatën alarmante më të cilën përballen prej 25 vitesh banorët e kësaj zonë.

Ky kanal u ujërave të zeza çdo ditë rrezikon shëndetin e fëmijëve, të moshuarve dhe të gjithë banorëve të kësaj zonë të mbipopulluar. Mbyllja e kanalit është e vetmja shpresë për banorët e kësaj zone, teksa kjo kërkesë ka rënë në vesh të shurdhër të pushtetit vendor.

Banorët e zonës i bëjnë apel Bashkisë Durrës, Ministrisë së Mjedisit dhe Ministrisë Infrastrukturës të ndërhyjë për ti dhënë zgjidhje këtij problemi që është kthyer në një gangrenë për banorët e zonës Durrësit.





Lajmet e fundit nga