web counter
LEXO PA REKLAMA!

SHKARKO APP

App Store
Google Play

“Janë prerë koka, jo thjesht gishta”/ Ish-ministri “shuplakë” Ramës

23 Nëntor 2018, 08:34, Aktualitet CNA

Ish-ministri i Drejtësisë në qeverinë ?Rama 1?, Ylli Manjani akuzon kryeministrin Edi Rama për ngjarjet e ndodhura dje gjatë protestës së banorëve të Unazës së Re.

Në një postim në rrjetet sociale, Manjani shkruan se gjuha e përdorur nga Rama është njësoj si ajo e përdorur për herë të fundit në prag dhe gjatë luftës së dytë botërore. Sipas tij, me këtë gjuhë përçarje, Rama kërkon të fshehë krimin financiar të radhës.

?Gjuha rraciste, që nxit urretje ndërmjet njerëzve dhe përçarje sociale është e papranueshme!

Kur këtë gjuhë e përdor Kryeministri është edhe me e rëndë!

Kur Kryeministri është i një vendi anëtar i Këshillit të Europës dhe NATO-s, situata bëhet ndërkombëtarisht e rëndë!

Kjo lloj gjuhe në Europë është përdorur për herë të fundit në prag dhe gjatë luftës së dytë botërore. Pas luftës perëndimi e ndaloi rreptësisht përdorimin e kësaj gjuhe.?-shkruan Manjani.

Më tej, ai thekson se janë prerë edhe koka jo vetëm gishta, ku gjuha e urrejtjes ka qënë prezente, por sipas tij fajtor është ?gjuhëlëshuari Edvin Rama.?

?Janë prerë koka, jo thjesht gishta në shoqëri ku gjuha e urrejtjes ka qenë prezente.

Ndaj fajtor i dhunës së djeshme është gjuhëlëshuari Edvin Rama.

Me këtë gjuhë përçarje kërkon të fshehë krimin financiar të radhës: zifti të Astiri del më shtrenjtë se floriri!

Ky quhet ABUZIM i pastër!?-shkruan Manjani në postimin e tij./ CNA.al





Lajmet e fundit nga