E fundit!

10:33 Aktualitet

SPAK hap thirrjen për 40 hetues të rinj në BKH/ Braho: Hetimet moderne kërkojnë kapacitete të reja

Kreu i SPAK, Klodjan Braho, deklaroi se Prokuroria e Posaç...

Çfarë mund t’i shohin shqiptarët sonte opozitës, në media

22 Nëntor 2018, 21:32, Aktualitet CNA

Sot në mbrëmje televizionet shqiptare, si zakonisht të enjteve kanë debate të forta politike dhe për shkak të ngjarjeve të ditës, vëmendja është spostuar tek protesta që ka ndodhur sot në mesditë para ambienteve të Kuvendit.

Disa dhjetëra qytetarë, banorë të zonës së Astirit protestonin para Parlamentit dhe kërkonin dëmshpërblimin për banesat që shemben, si pasojë e projektit të Unazës së Madhe.

Ndërsa protesta vijonte paralel me seancën plenare, Partia Demokratike dhe zyrtarët e saj ishin mbyllur në një godinë duke bërë oponencën e buxhetit të vitit 2019.

Por përtej kësaj situate, përballë qëndrojnë mediat. Çfarë do lexojnë shqiptarët nga opozita përmes medias.

Mjafton të bësh një kalim të shpejtë në televizione dhe do të kuptosh se çfarë mund të servirë Lulzim Basha, apo dhe vetë Rilindja e Edi Ramës në media.

Nëse do shohim ?Top Channel?, apo ?Top Libra? e Ben Blushit shohim se ish-deputeti socialist me 1 milion dollarë Alferd Peza përplaset me Grida Dumën, apo e quajtur ndryshe GD-ja.

Nëse do të shkojmë tek Artur Zheji në televizionin periferik me titra do të shohim deputetin që do ta vrisnin me snajper.

Po të shkojmë më tej tek Ylli Rakipi në News24 del çuni i Fahriut.

Po të shkojmë në Opinion, shohim një ish-drejtoreshë që Lulzim Basha e ka marrë nga pas kudo që ka shkuar, në Bashki, Ministri, kudo ku ka shëtitur gjatë viteve të pushtetit të Berishës dhe bëhet fjalë për deputeten Dhurata Çupi.

Në Vizion Plus, në emisionin e Sokol Ballës shfaqet tullaci i Lulit që nuk di se çfarë flet, buri me ze te holle, por preferuar i kunatit.

Ajo çfarë përfaqësohet nga opozita, por edhe Rilindja është në fakt niveli i mjerë i politikës shqiptare. I asaj që të gjithë sot, pra shumica e shqiptarëve e thonë me një zë, sistemi politik i cili duhet përmbysur totalisht, që nga qeveria tek pseudoopozita.

Që nga përfaqësimi me ish- deputetë 1 milionë dollarë duke përfunduar tek deputetët Babale dhe qesharakë që nuk mund të përfaqësojnë kurrësesi oponencën e vërtetë që ka nevojë sot Shqipëria./ CNA.al