web counter
LEXO PA REKLAMA!

SHKARKO APP

App Store
Google Play

E fundit!

x

Energjia nga dielli/ Pezullohen aplikimet për parqe fotovolatike deri në 2MW

23 Nëntor 2018, 07:20, Aktualitet CNA

Ministria e Infrastrukturës dhe Energjisë nuk do të pranojë më aplikime për ndërtimin e parqeve fotovolatikë deri në 2MW. Në një njoftim të bërë nga kjo ministri nënvizohet se shkak për këtë vendim është bërë numri i lartë i aplikimeve që tejkalon kapacitetet gjeneruese të parashikuara në Planin Kombëtar të Veprimit të Burimeve të Rinovueshme të Energjisë.

Përmes një kuadri specifik ligjor të miratuar në vitet 2015-2018  Ministria e Infrastrukturës u caktua si autoriteti që shqyrtonte aplikimet dhe që mund të miratonte në rastet kur ato konsideroheshin fizibël vetëm me firmën e ministrit pasi HEC-et deri në 2MW dhe parqet fotovoltaikë në po të njëjtën fuqi të instaluar nuk konsiderohen koncesione tipike.

?Ministria e Infrastrukturës dhe Energjisë në zbatim të Ligjit Nr. 7/2017 datë 02.02.2017  ?Për nxitjen e prodhimit të energjisë nga burimet e rinovueshme?, VKM-së Nr. 822, datë 07.10.2015 ?Për miratimin e rregullave dhe procedurave të ndërtimit të kapaciteteve të reja prodhuese të energjisë elektrike, që nuk janë objekt koncesioni?, e ndryshuar dhe Planit Kombëtar të Veprimit për Burimet e Rinovueshme të Energjisë (PKVBRE) 2018?2020, miratuar me VKM-në Nr. 179, datë 28.03.2018, është autoriteti kompetent që shqyrton aplikimet për ndërtimin e kapaciteteve të reja prodhuese të energjisë elektrike fotovoltaike deri në 2 MW.

Për sa më sipër, Ministria e Infrastrukturës dhe Energjisë ka konstatuar se kërkesa për ndërtimin e centraleve fotovoltaike deri në 2 MW, tejkalon kapacitetet gjeneruese të parashikuara në Planit Kombëtar të Veprimit për Burimet e Rinovueshme të Energjisë, duke sjellë si domosdoshmëri rishikimin e kuadrit ligjor.

Bazuar në sa më sipër, Ministria e Infrastrukturës dhe Energjisë me Urdhër të Ministrit të Infrastrukturës dhe Energjisë Nr. 774, datë 05.11.2018 ?Për ngritjen e grupit të punës për rishikimin e kuadrit Ligjor të rregullave dhe procedurave të ndërtimit të kapaciteteve të reja prodhuese të energjisë elektrike nga Dielli?, ka pezulluar shqyrtimin e aplikimeve për ndërtimin e kapaciteteve të reja prodhuese të energjisë elektrike fotovoltaike deri në 2 MË, deri në hartimin dhe miratimin e kuadrit ligjor të rishikuar? thuhet në njoftimin e Ministrisë.

Pas miratimit të ligjit për nxitjen e prodhimit të energjisë nga burimet e rinovueshme gjatë vitit 2017 në ministri publikoheshin deri në 2 aplikime në javë për parqe fotovoltaikë kryesisht të pozicionuar në zonën e Lushnjës dhe Fierit por edhe në rajone të tjera edhe pse në nivel më të ulët.

Leverdishmëria e investimit në parqe fotovolltaikë ka joshur investitorët pasi kthimi i investimit sipas ekspertëve kërkon një kohë më të shpejtë sesa në rastet e investimit në hidrocentrale. Kjo kohë mund të shkojë në skenar optimist 8 vite dhe në atë pesimist 10-12 vite ndërkohë që prodhimi zgjatet në 25 vjet./ Monitor





Lajmet e fundit nga