web counter
LEXO PA REKLAMA!

SHKARKO APP

App Store
Google Play

Basha sulmon ndërkombëtarët/ Jeni për pasarela dhe për të pirë verë

23 Nëntor 2018, 12:25, Aktualitet CNA

Kreu i PD, Lulzim Basha, në një dalje për mediat nga selia blu, krahas akuzave të forta në drejtim të kryeministrit Rama nuk ka kursyer edhe organizatat ndërkombëtare në Shqipëri.

Ai theksoi se organizatat ndërkombëtare nuk reagojnë për protestën e qytetarëve të zonës së Astirit dhe sipas tij po lejojnë vjedhjen e kryeministrit Edi Rama.

Kryedemokrati Basha kërkoi llogari se për çfarë ndodhen në Shqipëri kur nuk reagojnë.

?Sot dua të denoncoj disa media dhe disa anëtarë të shoqërisë civile. Ata duhet të zgjedhin të bëhen pjesë e krimit dhe vjedhjes së Edi Ramës apo me qytetarët. Kam një pyetje edhe për organizatat ndërkombëtare që lejojnë vjedhjen e hapur. Ku jeni? Për çfarë jeni këtu? Për të bërë pasarela dhe për të pirë verën shqiptare. Vjedhja është e hapur.?-tha Basha.

Më tej, Basha tha projekti i Unazës së Madhe është një projekt korruptiv, ndërsa sipas tij qytetarët që preken nga ky projekte i kanë banesat të gjithë në proces legalizimi dhe duhet të shpronësohen.

?Është bërë gjithçka e nxitin të madh që kapari 40 mln te shkojë në xhepin e Edi Ramës. Garë nuk ka pasur dhe çmimi i prokurimit që është çmim rekord. Kur ke në plan të vjedhësh të erren sytë dhe nuk mund të shohësh ligj kur vjen puna tek pronat e qytetarëve. Propaganda e ndyrë dhe përçarëse e lolos së Edi Ramës, Erion Veliajt që i quan qytetarët shpellarë.?-deklaroi Basha./CNA.al





Lajmet e fundit nga