web counter
LEXO PA REKLAMA!

SHKARKO APP

App Store
Google Play

Rama autor i një megavjedhje/ Zbardhet skema mashtruese

23 Nëntor 2018, 12:11, Aktualitet CNA

Kryetari i Partisë Demokratike Lulzim Basha, në një dalje për mediat paraditen e sotme ka hedhur akuza të forta në drejtim të kryeministrit Rama, për të cilin tha se është autor i një megavjedhje.

Kryedemokrati Basha u shpreh se projekti i Unazës është një megavjedhje dhe Rama është autori i saj. Duke analizuar çështjen, kreu i PD u shpreh se afera është negociuar nga kreu i qeverisë dhe se është shkelur çdo ligj i mundshëm.

?Në 317 banesat që kërcënohem me prishje të paligjshme nga Rama. Mjafton e vërteta për ta kuptuar sepse është një tragjedi jo vetëm për mijëra banorë, por vijë e kuqe që kërcënon vatrën e çdo shqiptari. Faktet janë të rënda. Ka dy javë që Edi Rama dhe lukunia e tij barbare e hajdutëve me propagandë po i ushqen opinionit publik mashtrime e gënjeshtra me shpresën se do arrijë të triumfojë antiligji dhe ai të kryejë një vepër barbare me prishjen e shtëpive dhe mbushjen e xhepave të tij.

Afera është e Edi Ramës, është negociuar drejtpërdrejt nga Edi Rama. Përbëhet nga dy komponentë, rrëmbimi i taksave dhe rrëmbimi i pronës. Çdo ligj i mundshëm është shkelur.?-tha Basha.

Më tej, ai theksoi ?Le ta nisim me vjedhjen rekord, 2 mijë euro për 1 cm të kësaj rruge. Ky është çmimi me të cilin Edi Rama po vjedh paratë tuaja. Si po e bën këtë? Së pari e gjithë skema e tenderimit është korruptive, nuk ka pasur garë. Një projekt është adaptuar nga ARRSH e cila gjoja ka hapur tender dhe në fund mbetet e vetmja ofertë. Shkelet çdo ligj dhe ligji i parë që shkelet është ligji i prokurimeve.?/ CNA.al





Lajmet e fundit nga