web counter
LEXO PA REKLAMA!

SHKARKO APP

App Store
Google Play

E fundit!

x

Tatimet forcojnë kontrollet/ Gjoba dhe bllokime biznesesh

19 Nëntor 2018, 07:23, Aktualitet CNA

Drejtoria e Hetimit Tatimor njofton se po vijon kontrollet në terren për të identifikuar subjektet me risk.

Referuar të dhënave nga kjo drejtori, për periudhën 1- 15 nëntor janë kontrolluar 1,574 subjekte, nga të cilat 758 janë konstatuar me shkelje të legjislacionit tatimor. Vlera e penalizimeve për këto subjekte është rreth 26.7 milionë lekë.

Ku më kryesoret renditen si më poshtë:

-12 tatimaguesve u janë bllokuar ambientet për 30 ditë kalendarike për moslëshim kuponi tatimor (hera e dytë). Gjithashtu janë bllokuar ambientet e 3 tatimpaguesve për shkeljen e mosinstalimit të pajisjes fiskale (hera e dytë).

-39 tatimpagues janë konstatuar të paregjistruara në organet tatimore. Për ata është marrë masa e bllokimit deri në momentin e regjistrimit të tyre si subjekt i TVSH-së.

-268 tatimpagues janë konstatuar me shkelje të moslëshimit të kuponit tatimor (hera e parë).

-34 tatimpagues nuk kanë pasur të instaluar pasjisjet fiskale dhe 39 të tjerë nuk i mbanin në gjendje pune.

-148 tatimpagues janë konstatuar që disponojnë mallra pa dokumentacion tatimor.

-102 tatimpagues janë penalizuar për mosdeklarim të punonjësve, ku 92 janë subjekte të përgjegjësisë tatimore  ?biznes i vogël? dhe 10 subjekte janë të përgjegjësisë tatimore ?biznes i madh?.

Kontrollet e strukturave të specializuara të Hetimit Tatimor janë përqendruar në subjektet që ushtrojnë veprimatari ekonomike në qendrat e qyteteve: Tiranë, Fier, Durrës, Elbasan, Korçë, Shkodër, Berat, Lezhë, Gjirokastër, Vlorë, Kukës, Dibër, Sarandë./ Monitor





Lajmet e fundit nga