web counter
LEXO PA REKLAMA!

SHKARKO APP

App Store
Google Play

Lirimi nga burgu i dy ish-deputetëve të PS/ Zbulohen prapaskenat

15 Nëntor 2018, 14:36, Aktualitet CNA

Partia Demokratike ka reaguar pas lirimit nga burgu të dy-ish deputetëve të PS, Arben Ndoka dhe Arben Çuko për të cilët u vendos ?arrest shtëpie?.

Në një deklaratë për mediat, PD shprehet se ky është një vendim politik i kryeministrit Rama, i cili sipas tyre po përdor të njëjtin skenar sin ë rastin e ish-ministrit të Brendshëm, Saimir Tahiri.

?Lirimi nga burgu i dy ish deputetëve të PS, Arben Ndoka dhe Arben Çuko nuk është një vendim i drejtësisë së pavarur, por është vendim politik i Edi Ramës!

Kjo është e njëjta skemë që Edi Rama përdori me Saimir Tahirin për të mashtruar partnerët: i arreston me bujë dhe i liron e ju mbyll dosjet në heshtje.?-thuhet në deklaratën e PD.

Më tej, në deklaratë thuhet se me me lirimin nga burgu të numrit 1 të Partisë Socialiste në Lezhë, që sundon me dhunë, krim dhe korrupsion, u rikonfirmua bindja e opozitës dhe shumicës së shqiptarëve se Forca e Ligjit nuk ekziston në Shqipëri dhe se ata që blejnë vota për Edi Ramën, ata që vjedhin për pushtetin ilegjitim të Edi Ramës qëndrojnë mbi ligjin.

PD gjithashtu thekson se ?Kur të gjithë presin dhe kërkojnë arrestimin e Vangjush Dakos për blerjen e votave me bandat kriminale, Edi Rama urdhëron lirimin e Arben Ndokës, i kapur edhe ky në përgjimet e dosjes 339 duke blerë zgjedhjet e vitit 2017 në Lezhë. Askush nuk ka më ndonjë dyshim se operacionet e bujshme përdoren nga qeveria për të mbytur me zhurmën e propagandës skandalet dhe krimet e qeverisë së Edi Ramës.?

?Ndryshe nga cfarë kërkojnë shqiptarët dhe bëjnë thirrje partnerët tanë strategjikë, realiteti flet qartë: Me Edi Ramën nuk ka luftë të vërtetë kundër krimit dhe korrupsionit, me Edi Ramën stabiliteti është vetëm një fasadë!

Për sa kohë vendi është nën sundimin e krimit, i cili qëndron bashkë me Edi Ramën në karrigen e kryeministrit, kriminelët dhe bashkëpunëtorët e tyre politikë presin rradhën e lirimit nga akuzat dhe mbylljes së dosjeve të krimit!?- deklaron Partia Demokratike.





Lajmet e fundit nga