E fundit!

12:42 Aktualitet

Operacioni i BKH-së pa praninë e Policisë së Shtetit/ Flet kreu i BKH-së, Joni Keta

Kreu i BKH-së Joni Keta ka folur për operacionin ku u arre...

Thellohet skandali korruptiv tek Unaza e re/ Paracaktohen fituesit e tenderit, 18 milion euro firmës guaskë

7 Nëntor 2018, 13:27, Aktualitet CNA

Partia Demokratike ka reaguar sot në lidhje me prishjen e disa ndërtesave në kuadër të projektit për zgjerimin dhe rehabilitimin e plotë të Unazës së re.

Në një deklaratë për mediat, zëdhënësja e PD, Ina Zhupa deklaroi se ?Unaza e Re? është një aferë korruptive që i jep 18 milionë euro një kompanie guaskë, me pronarë të panjohur.

Sipas saj, tenderi në total 40 milionë euro ka fitues të paracaktuar, me garë fiktive.

?Janë 40 milionë euro të shpërndarë praktikisht pa garë tek tre kompani, të cilat janë shpallur fituese, sepse pjesëmarrësja e dytë në tender, nuk ka dhënë asnjë ofertë. Kompania ?Vëllezërit Hysa? është përdorur për të mashtruar ligjin dhe për të nxjerrë fituese kompanitë e paracaktuara nga Edi Rama dhe Erion Veliaj.?-tha Ina Zhupa.

Ndërsa më tej, ajo theksoi se ?Skandali i aferës tek Unaza e Re thellohet edhe më shumë nga shpallja fituese e bashkimit të një kompanie guaskë, DH Albania, pronarët e së cilës janë të panjohur, me një kompani shqiptare, BIba X, që vazhdimisht ka qenë nën sekuestro për mos shlyerje borxhesh. Ky konsorcium ka fituar pjesën e luanit në tender, 18 milionë euro.

Gjithashtu, Zhupa renditi një sërë faktesh, të cilat sipas saj vërtetojnë aferën korruptive.

?Faktet se pas rindërtimit të Unazës së re fshihet një afere korruptive janë disa:

1. Kompania Dh Albania është krijuar në korrik të këtij viti, një muaj e gjysëm para hapjes së tenderit
2. Kompania mëmë e saj është kompani e regjistruar në parajsë fiskale, me pronarë të panjohur.
3. Kompania biba X ka nuk ka përvojë në ndërtim rrugësh, aktivitet të cilin e ka shtuar pak para së të shpallej fitues i tenderit
4. Kompania Biba X, sipas të dhënave të medias, ka qenë nën sekuetsro edhe gjatë periudhës kur ka marrë pjesë në tenderin e Unazës së Re, në shkelje flagrante të ligjit të Prokurimeve Publike.?-u shpreh zëdhënësja e PD.

Po ashtu, ajo tha se banorët tek Unaza e Re, të cilëve Rama dhe Veliaj u kanë marrë paratë dhe votën për legalizim, duhet të dëmshpërblehen pa vonesë./ CNA.al