web counter
LEXO PA REKLAMA!

SHKARKO APP

App Store
Google Play

Godina e policisë jashtë standardeve/ Deputeti i PS jep alarmin

7 Nëntor 2018, 14:22, Aktualitet CNA

Deputeti i Partisë Socialiste, Vullnet Sinaj ka deklaruar se në kuadër të luftës kundër lëndëve narkotike, stacioni policor i Bashkisë së Selicës duhet të shndërrohet në një komisariat policor.

Gjatë fjalës së tij në Komisionin e Ligjeve, Sinaj theksoi se, godina aktuale e Policisë së Bashkisë Selicës nuk plotëson kushtet dhe nevojat e forcave policore.

“Atje është vetëm një postë policie, nuk ka komisariat. Ajo është një bashki shumë e madhe, e shtrirë nga Selenica, ka gjashtë njësi administrative dhe shkon deri afër Kucit si zonë.Është një territor shumë i vështirë, shumë malor, me një mjet të vetëm, me një godinë që nuk i plotëson ato nevojat e policisë atje. Por unë do t’ju propozoja që ta bënit komisariat, postën e Selenicës. Sepse është e pamundur atje të kërkosh maleve, sidomos tani që është lufta kundër lëndëve narkotike. E shikoj që policët përpiqen jashtëzakonisht, por e kanë të pamundur me ato kushte që kanë; me mjetet dhe me forcat e pakta që kanë”,  tha Sinaj në Komisionin e Ligjeve.

Ndërsa kërkesës së Sinajt, zv/ministri i Brendshëm Julian Hodaj iu përgjigj se çështja e klasifikimit në postë ose komisariat është një çështje karakteristike e zonës dhe problemeve që ka.

?Është çështje që i takon zonës, të cilës i  duhet të vendosë llojin e impenjimit në terren. Nuk ka ndonjë efekt në buxhet sikurse kërkesat e shtruara pak më pare? , u shpreh Hodaj në Komisionin e Ligjeve.





Lajmet e fundit nga