E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Meta në Kalabri/ Vlerëson figurën e Skëndërbeut

7 Nëntor 2018, 11:22, Aktualitet CNA

Në kuadër të aktiviteteve për ?Vitin e Skëndërbeut?, presidenti Meta prej ditës së djeshme, ndodhet për një vizitë zyrtare në Kalabri.

Gjatë qëndrimit në Kalabri, Kreu i Shtetit Ilir Meta u prit në një takim nga homologu Italian, Sergio Mattarella.

?Shumë i lumtur të jem sot mes komunitetit arbëresh së bashku me mikun e Shqipërisë dhe të shqiptarëve, Presidentin Sergio Mattarella në Kolegjin e Shën Adrianit, në Shën Mitër Korona, në djepin e arsimit dhe kulturës arbëreshe.?- shkruan Presidenti Meta në një postim në rrjetet sociale, shoqëruar me foto të takimit me homologun Italian.

Ndërkohë Meta ka zhvilluar edhe një takim në kryeqendren arbëreshe ?Shën Miter?, të kalabrisë, ku krahas vlerësimit të figurës së Skëndërbeut, ka folur edhe për arbëreshët e Italisë.

Meta theksoi se Skëndërbeu ishte një mbrojtës i krishtërimit dhe qytetërimit në Europë.

Po ashtu Meta vlerësoi lart arbëreshët e Italisë, për të cilët tha se kanë ruajtur identitetin, gjuhën dhe vlerat shqiptare, por në simbiozë të plotë me integrimin e tyre në shoqërinë Italiane.

Më tej, Meta i falenderoi arbëreshët në Itali, për kontributin që kanë dhënë në lartësimin e figurës së Skëndërbeut në shekuj.

Në fjalën e tij, Presidenti Meta, me të tjerash theksoi se Shën Mitër Korona dhe Kolegji i ?Shën Adrianit? është djepi i arsimit dhe kulturës arbëreshë, ku ka dhënë mësim De Rada, dhe njëri prej studentëve ka qenë Luigj Gurakuqi, figura frymëzues dhe kontribuuese të Rilindjes sonë Komëbtare dhe shpalljes së Pavarësisë së Shqipërisë.

?Edhe pse larg mëmëdheut të tyre, komuniteti arbëresh krijoi dhe mbajti gjallë identitetin e vet kombëtar, i cili edhe sot pas 550 vitesh ruan me dashuri e fanatizëm gjuhën, kostumet, ritet, traditat dhe besimin. Ruajtja dhe kultivimi i identitetit kombëtar të arbëreshëve është një simbiozë unikale me integrimin e plotë të tyre me kulturën dhe shoqërinë italiane.? ? vuri në duke Presidenti Meta.

?Ne u jemi mirënjohës pafundësisht arbëreshëve për kontributin e çmuar që kanë dhënë për kombin tonë: përjetësimin e figurës së Gjergj Kastriotit Skënderbeut ndër shekuj. Skënderbeu na bashkon të gjithëve ne shqiptarëve kudo në botë! Prandaj ne u jemi mirënjohës motrave dhe vëllezërve tanë arbëreshë që e ruajtën këtë figurë të lavdishme dhe bëmat e tij.

Komuniteti arbëresh mbetet sot ruajtësi i vetëm i gjuhës që Skënderbeu dhe bashkëluftëtarët e tij patën folur gjashtëqind vjet më parë. Ky është një thesar i madh për kombin tonë, për Italinë dhe trashëgiminë botërore. Është në interesin e dy popujve dhe vendeve tona të promovojmë këtë komunitet të vjetër e me vlera unikale si pjesë e pandashme e trashëgimisë historike shqiptare, italiane dhe europiane.? ? u shpreh kreu i shtetit shqiptar.

Presidenti i Republikës vlerësoi Kolegjin ?Shën Adrianit? me Dekoratën ?Gjergj Kastrioti Skënderbeu? ?Në shenjë vlerësimi për veprimtarinë e çmuar akademike, për promovimin e gjuhës, letërsisë dhe kulturës arbëreshe, duke u kthyer në një vatër të rëndësishme të ruajtjes së trashëgimisë, të edukimit e formimit të të rinjve arbëresh.

Me mirënjohje për kontributin e veçantë në forcimin e lidhjeve, veçanërisht kulturore, midis Shqipërisë dhe Italisë?.

Presidenti Meta dhe Presidenti italian Mattarella përuruan pllakatën kushtuar Heroit tonë Kombëtar, në të cilën janë gdhendur fjalët: ?në 550-vjetorin e përkujtimit të Gjergj Kastriotit, Skënderbeut.?