E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

U emërua zv.ministër/ PD kërkesë Sandër Lleshit

6 Nëntor 2018, 11:03, Aktualitet CNA

Pas votimit në sallën e Kuvendit për shkarkimin e Fatmir Xhafajt dhe emërimin e Sandër Lleshit zëvendës ministër i parë i brendshëm, ka reaguar numri dy i Partisë Demokratike, Edi Paloka.

Në një deklaratë për Media, Paloka ka është shprehur se Lleshi nuk pa për ta luftuar dot krimin, pasi vet shefi i tij është i lidhur fort me të.

?Rama propozoi në krye të Ministrisë një tjetër ushtar. I cili do të ketë fundin e njëjtë.

Lleshi nuk ka për ta luftuar dot krimin sepse pushteti i shefit varet nga blerja e votës. Lleshi është produkt i një qeverie ilegjitime?,- tha Paloka.

Deputeti demokrat i ka bërë thirrje Lleshit që të mos pozicionohet krah krimit dhe të lejojë arrestimin e kryebashkiakut Vangjush Dako, i cili dyshohet se ka bashkëpunuar me bandat në Durrës për shitblerjen e votës në zgjedhjet e viti të shkuar.

?Lleshaj e ka shumë të thjeshtë që të mos e pozicionojë veten krah krimit dhe të mos pengojë arrestimin e Vangjush Dakos.

Mos arrestimi i Dakos është prova e shkatërrimit total të Krimeve të Rënda. Në Shqipëri nuk ka për të pasur drejtësi pa u shkatërruar krimi elektoral?,-përfundoi nënkryetari i PD.

Deklarata e plotë:

Parlamenti i hapi sot rrugën drejtimit të Ministrisë së Brendshme nga një tjetër ushtar i Edi Ramës, fundi i të cilit do të jetë i njëjtë- shërbëtor i një kryeministri peng të krimit të organizuar.

Sandër Lleshaj nuk ka për ta luftuar dot krimin, sepse pushteti politik i shefit të tij varet nga blerja e votës nëpërmjet bandave dhe krimit të organizuar.

Sandër Lleshaj është produkt i një qeverie ilegjitime, që qëndron në pushtët me të paktën 15 mandate të blera.

Sandër Lleshaj nuk do ta luftojë krimin që ble vota për të, sepse Edi Rama e ka emëruar atje për të mbrojtur nga arrestimi i menjëhershëm Vangjush

Dakon, simbolin e blerjes së pushtetit politik të Edi Ramës nëpërmjet krimit të organizuar.

Për këtë krim, i provuar edhe nga përgjimet e dosjes 339, të denoncuar nga opozita, Vangjush Dako duhet të ishte sot në burg!

Përsa kohë Vangjush Dako dhe çdo ministër, deputet, kryebashkiak apo drejtues i Partisë Socialiste, pjesë e dosjes 339, apo e ndonjë dosje tjetër nën hetim për krimin e blerjes së votës, do të jenë jashtë burgut, do të thotë se Sandër Lleshaj është pjesë e paktit të Edi Ramës me krimin që blen votat.

Sandër Lleshaj e ka shumë të thjeshtë të provojë që sot se nuk është një kukull: ai nuk duhet të pengojë arrestimin e Vangjush Dakos.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

Përgjimet zyrtare të prokurorisë nga dosja 339 nxjerrin në pah marrëdhënien e ngushtë të Vangjush Dakos me bandën e Avdylajve, trafikantë ndërkombëtarë droge nga Amerika latine në Europë, të cilët i ka përdorur në fushatë për të blerë zgjedhjet. Përgjimet faktojnë gatishmërinë dhe garancinë e Vangjush Dakos për t?i mbaruar punë bandës. Mosarrestimi i Dakos është prova e shkatërrimit total të prokurorisë së krimeve të Rënda.

Mosarrestimi i Dakos hedh në erë alibitë qesharake për suksesin e reformës në drejtësi.

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës!/ CNA.al