E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Ulnin vitin e prodhimit të makinave/ Në pranga falsifikatorët

6 Nëntor 2018, 10:27, Aktualitet CNA

Finalizohet me sukses operacioni i koduar ” Silent “, ku si pasojë në prangat e policisë së Durrësit kanë rënë në pranga tre shtetas.

Nga të dhënat të bëra të ditura nga policia mësohet se të arrestuarit janë shtetasit Erdi Çena 29 vjeç, banues në Durrës, në rolin e sekserit Qani Kacmoli 32 vjeç, banues në Durrës, në rolin e sekserit dhe Glodjan Sulaj 35 vjeç, banues në Tiranë, në rolin e sekserit.

Gjithashtu janë ekzekutuar 5 masa sigurie në ngarkim të 5 personave fizikë dhe 1 masë sigurie në ngarkim të një personi juridik, si edhe shpallet në kërkim 1 shtetas tjetër.

Ata kanë rënë në pranga, pasi duke falsifikuar dokumenta ulnin vitin e prodhimit të mjeteve dhe më pas i zhdoganonin me vlerë shumë të ulët monetare.

Njoftimi i plotë:

Specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Durrës në bashkëpunim me Specialistët e Hetimit Doganor pranë Drejtorisë së Përgjithshme të Doganave dhe Prokurorinë e Rrethit Gjyqësor Durrës, pas një hetimi disa mujor kanë finalizuar me sukses operacionin e koduar “Silent”.

Janë ndaluar shtetasit:

Janë ekzekutuar vendimet e Gjykatës së Rrethit Gjyqësor Durrës, të cilët kanë vendosur masat e sigurisë si më poshtë në ngarkim të shtetasve:

Në ngarkim të një shoqërie tregtare, e cila funksiononte si agjensi doganore është vendosur masa e sigurisë me karakter ndalues ” Ndalimi i përkohshëm i ushtrimit të veprimtarive të caktuara profesionale ose afariste”.

Gjithashtu është shpallur në kërkim dhe po punohet për kapjen e shtetasit Xh.S.

Shtetasit e mësipërm, në bashkëpunim me njëri – tjetrin kanë sjellë mjete nga jashtë shtetit në vendin tonë dhe duke falsifikuar dokumenta kanë ulur vitin e prodhimit dhe i kanë zhdoganuar.

Në këtë mënyrë vlera e zhdoganimit të mjeteve ka qenë më e ulët në vlera monetare se vlera normale bazuar në vitin e saktë të prodhimit të tyre.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ?Kontrabandës me mallra të tjera? e kryer në bashkëpunim më shumë se një herë dhe ?Fallsifikim të dokumentave? e kryer në bashkëpunim më shumë se një herë parashikuar në nenet 174/2 186/2 dhe 248 të Kodit Penal./ CNA.al