E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

Skandali me tenderat e paravendosur/ FSHZH-ja kapet në flagrancë, Prokuroria hesht

6 Nëntor 2018, 11:58, Aktualitet CNA

Korrupsioni dhe skandalet e FSHZH janë tashmë një fakt i kryer në këtë institucion.

Dje CNA.al faktoi atë që kishte shkruar një vit më parë në lidhje me tenderin për ndërtimin e rrugës së Lumit të Vlorës.

Një tender korruptiv ku u zhvilluan dy faza parakualifikuese si kurrë ndonjëherë dhe nuk u hapën ofertat financiare për të shpallur fituesit, dhe gjithçka e kryer ngre të gjithë akuzat ndaj drejtuesve të institucionit se tenderi është i paravendosur. Ky është një nga rastet kur edhe Prokuroria nuk mund të heshtë dhe duhet të hetojë e zbardhë të vërtetën deri në fund. Atë që fshihet midis justifikimit dhe procedurave.

Sot CNA.al po sjell disa pyetje dhe argumenta të tjera pas reagimit të institucionit, por edhe një vazhdimi të thjeshtë në lidhje më këtë investim rreth 130 milion euro.

Le ta fillojmë me disa pyetje për drejtuesit, fondi limit për lotin e 3-të të kësaj rruge është 46.6 milionë euro i shpallur, po ai i lotit 2-të sa është?

Dhe më tej sa shkojnë bashkë si fond total këto dy lote?

Pikëpyëtje ka edhe në lidhje me parakualifikimin, që është bërë dy herë.

Të parën me 18 firma dhe dje me 5 firma, dy herë parakualifikim?

Pse nuk u hapën direkt ofertat dje?

Janë dhjetëra raste të tjera me donatorët që ka patur fondi i zhvillimit dhe kanë ecur pa procedurë parakualifikimi dy herë.

Ka raste, e raste pa fund në FSHZH që pas parakualifikimit janë dhënë direkt ofertat pa patur nevojë që të bëhet përsëri parakualifikim i dytë, mos vallë keni ndonjë merak për kompaninë italiane që mesa duket s?është oferta më e ulët?

Apo keni merak se një tjetër kompani si ajo Gjermane s?është oferta më e ulët më datën 12 tek loti 2?

Më tej lindin të tjera pyetje. Pse e skualifikuat kompaninë që ka fituar lotin e parë apo keni orientime të tjera tani ?

Pse është i kualifikuar tek loti i 2 vetëm kompania italiane dhe ajo gjermane dhe 3 të tjerat me kusht, apo keni plan t?i skualifikoni tre të tjerat për probleme teknike dhe të jenë në garë vetëm ato të dyja në të dyja lotet?

A nuk janë argumente këto apo doni edhe të tjera në ditët në vazhdim?

Këto pyetje pa përmendur emrat e kompanive për të qenë korrekt me biznesin dhe për të treguar zullumet dhe tenderat e paravendosura ne FSHZH që ne i kemi denoncuar si procedurë një vit më parë.

Dhe ky është rasti kur Benet Beci dhe FSHZH janë kapur në flagrancë dhe Prokuroria nuk mund të heshtë. Ky është rasti për të luftuar korrupsionin në institucione jo fjalimet dhe shfaqet, por veprat./CNA.al

Skandali në FSHZH/ Paravendoset fituesi i tenderit 45 milionë euro për rrugën e Lumit të Vlorës

Skandal në FSHZH/ Korrupsion me tenderin 130 milion euro?

FSHZH mbytet nga korrupsioni/ Nëndrejtori justifikon abuzimin

Plas qelbi në FSHZH/ Korrupsion me tenderin e rrugës së Lumit të Vlorës, zbulohet skema

FSHZH reagon për tenderin korruptiv/ CNA.al i kthen përgjigje