web counter
LEXO PA REKLAMA!

SHKARKO APP

App Store
Google Play

Xhafaj iku/ Tahiri flet të enjten për “armiqtë” e tij

30 Tetor 2018, 11:28, Aktualitet CNA

Fatmir Xhafaj u largua nga detyra e Ministrit të Brendshëm,  ditën e shtunë në mënyrë të beftë duke u shkarkuar nga Edi Rama menjëherë pasi në media qarkulloi lajmi se Saimir Tahiri do dilte në një konferencë për shtyp.

Pas komunikimit me stafin e Tahirit, CNA.al mësoi se konferenca nuk ishte planifikuar për të shtunën, por për ditën e enjte, thjeshtë atë ditë ishte berë rezervimi.

Xhafaj iku nga detyra dhe një nga arsyet e përmendura në media ishte dalja e Tahirit, por në fakt nuk qëndronte kështu e vërteta. Largimi i Xhafajt kishte ardhur pas përplasjeve me kryeminstrin Rama, ndërkohë që Tahiri do flasë këtë të enjte ashtu siç kishte planifikuar.

CNA.al ka mësuar se ish ministri i Brendshëm do të dalë pas dy ditësh në një konferencë për shtyp, ku pritet të flasë për akuzat ndaj tij, hetimet, kurthet por edhe gjithçka po ndodh në politike. Konferenca e të enjtes pritet të jetë edhe rikthimi i Saimir Tahirit, ndaj të cilit tashmë prokuroria italiane ka mbyllur çdo hetim.

Pas sulmeve ndaj ti për gati dy vjet, duket se ka ardhur koha e Saimir Tahirit të ktheje përgjigje por edhe të akuzojë dhe zbulojë skenarët që ai mendon se kanë sjellë edhe sulmet ndaj tij.

Ende nuk ka një konfirmim a do të flasë Tahiri për dy kundërshtarët dhe ?armiqtë? e tij në PS, Fatmir Xhafën dhe Erjon Veliajn, si dy njerëzit që rëndom akuzohen se ishin ata që furnizuan Bashën dhe opozitën me materiale kompromentuese kundër Tahirit.

Mbetet vetëm të presim daljen e Tahirit për të mësuar versionin e tij për gjithçka ndodhi./ CNA.al





Lajmet e fundit nga