web counter
LEXO PA REKLAMA!

SHKARKO APP

App Store
Google Play

Moti i keq në Itali/ Rritet bilanci i viktimave, mbyllen shkollat

30 Tetor 2018, 08:48, Aktualitet CNA

Moti i keq me stuhi të forta ka përfshirë Italinë, ku si pasojë 9 persona kanë humbur jetën, ndërsa një tjetër është shpallur i zhdukur.

Sipas mediave italiane, dy viktima janë shënuar në provincën e Frozinones pasi një pemë i ra mbi automjetin që po udhëtonin, ndërsa një 21-vjeçar ka humbur jetën në provincën e Casertas nga rrëzimi i një peme.

Dy të tjerë kanë mbetur të vdekur nga era e fortë janë identifikuar në Terracina në bregdetin e Lazios. Ndërsa një grua e moshuar ka humbur jetën në qytezën Albisola Superiore pasi u godit nga një mjet i fortë. Mes të lënduarve është edhe një foshnje, e cila ndodhet në spital jashtë rrezikut për jetën.

Një një grua ka humbur jetën në Dimaro, ndërsa një zjarrfikëse vullnetare është gjetur poshtë një peme, ndërkohë që po ndërmerrte një ndërhyrje në San Martino në Badia.

Po ashtu, në Alto Adige ka humbur jetën një 63 vjeçare, e cila është goditur nga gurët e fortë që sillte era.

Po ashtu mësohet se si pasojë e motit të keq shkollat ??janë mbyllur në shumë qytete si Roma, Napoli dhe Genova, ndërsa gjithashtu përkohësisht është mbyllur edhe aeroporti i Genovës.

Për të vënë situatën nën kontroll, nga autoritetet italiane janë mobilizuar rreth 5,800 forca zjarrfikëse, të cilat janë angazhuar në zonën e Ligurias, Toscanës, Lazios, Venetos, Friuli-Venezia Giulia, Lombardia dhe Piemontes.





Lajmet e fundit nga