web counter
LEXO PA REKLAMA!

SHKARKO APP

App Store
Google Play

Aleancë e fshehtë?/ Xhafaj shfaqet publikisht në krah të Veliajt  

30 Tetor 2018, 14:07, Aktualitet CNA

Aleancë e fshehtë?/ Xhafaj shfaqet publikisht në krah të

Fatmir Xhafaj, flet për herë të parë për gazetarët që pas dhënies së dorëheqjes nga detyra e ministrit të Brendshëm. Në një aktivitet në njësinë nr.10 në Tiranë, Xhafaj u shfaq sot në krah të kryebashkiakut të Tiranës, Erion Veliaj, ku tha se ai meriton një mandat të dytë.

“4 vite më parë kam folur shpesh me ju, pasi do duhej të flisja për kandidatin e ardhshëm, Veliajn. E di që ka pasur skeptikë ndër ju, sidomos ata të partisë sonë. Rezultatet dhe puna e tij sot janë treguesi më i mirë. Erion Velija hyri për një mision dhe po kërkon një mandat të dytë për ta çuar në fund këtë mision. Gjeja më e mirë e tij është puna.”-tha Fatmir Xhafaj, duke dalë kështu hapur në krah të Veliajt.

Por, kujtojmë këtu se pak ditë më parë edhe kryebashkiaku Veliaj thurte lavde ndaj Fatmir Xhafajt, ku vlerësonte jashtë mase operacionin e ndërmarrë për arrestimin e 34 personave, ndërkohë që policia bëri vetëm detyrën.

Nga ana tjetër ne qarqet mediatike flitet se në fakt Xhafaj dha dorëheqjen i detyruar nga Rama, pas një përplasje më këtë të fundit. Rama gjatë një takimi në Lushnje i drejtoi edhe një mesazh të koduar Xhafajt ditën e shtunë, ndërsa u shpreh se “Kush gjuan me gurë shtëpinë, del jashtë saj”.

Dalja publike e Xhafajt në krah të Veliajt, ditën e sotme mund të jetë edhe një mesazh për kryeministrin Rama dhe një faktim i aleancës së fshehtë mes tyre./ CNA.al





Lajmet e fundit nga