web counter
LEXO PA REKLAMA!

SHKARKO APP

E fundit!

x

Ekzekutimi i Kaçifas/ Thirrja e fortë e zyrtarit të lartë grek

30 Tetor 2018, 13:39, Aktualitet CNA

Zëvendësministër i Jashtëm Jorgos Katrugalos iu është bashkuar reagimeve pas vrasjes së 35-vjeçarit, Konstandinos Kaçifas, i cili u ekzekutua pas një shkëmbimi zjarri me RENEA-n, dy ditë më parë në Bularat të Gjirokastrës.

Zv.ministri Katrugalos tha se Greqia zyrtare ka kërkuar që të zbardhet ngjarja në fjalë, duke bërë hetime të përbashkëta. Sipas zv.ministrit, po ashtu duhet të hetohet nëse mund të shmangej vrasja e ndodhur në Bularat të Gjirokastrës.

?Ministria e Jashtme greke ka kërkuar të hidhet dritë e plotë në çështje, të mësojmë çfarë ka ndodhur dhe nëse mund të shmangej vrasja, nëse policia mori të gjitha masat. Prioritet mbetet mbrojtja e të drejtave të minoritarëve, por edhe moslejimi-nga të dy palët reciprokisht-të mos preken marrëdhëniet e mira mes dy vendeve. Në nivel autoritetesh policore janë në kontakt nga momenti i parë. Kemi kërkuar ndërhyrjen e prokurorisë së Janinës, të marrin pjesë në hetime, të sqarohet ngjarja, shkaqet e vërteta të aktit?, tha zv.ministri./CNA.al





Lajmet e fundit nga