web counter
LEXO PA REKLAMA!

SHKARKO APP

Takimi në Ministrinë e Jashtme greke për vrasjen e Kacifas/ Flet ambasadorja shqiptare në Greqi

29 Tetor 2018, 20:45, Aktualitet CNA

Ambasadorja e Shqipërisë në Greqi, Adriana Hobdari u thirr sot në Ministrinë e Jashtme greke, për të dhënë shpjegime në lidhje me vrasjen e shqiptaro-grekut, Kostantinos Kacifas nga forcat RENEA në Gjirokastër.

Në një intervistë për emisionin ?Open? në Top Channel, Hobdari është shprehur se gjatë takimit të dyja palët paraqitën qëndrimet e tyre në lidhje me ngjarjen.

Më tej ajo ka shtuar, se ajo që ndodhi është një ngjarje e izoluar që nuk duhet të politizohet dhe sduhet të kthehet në debat midis popujve tanë.

“Në takimin në Ministrinë e Jashtme greke, mu prezantua qëndrimi i qeverisë helene dhe unë nga ana ime shpreha qëndrimin e qeverisë shqiptare. Nuk pati tensione pasi ishte një takim diplomatik. Kjo është një ngjarje e izoluar, që nuk duhet të politizohet dhe s?duhet të bëhet debat midis popujve tanë”, tha Hobdari. /CNA.al





Lajmet e fundit nga