web counter
LEXO PA REKLAMA!

SHKARKO APP

App Store
Google Play

Nga vrasja e shqiptaro-grekut tek Saimir Tahiri/ Artan Hoxha flet për Top Channel

29 Tetor 2018, 18:07, Aktualitet CNA

Pasditen e sotme gazetari investigativ Artan Hoxha nga studio e emisionit ?Top Talk? ka komentuar ngjarjen e ndodhur në Bularat të Gjirokastrës, ku mbeti i vrarë shqiptaro-greku Kostandinos Kaçifa, pas përplasjes me forcat RENEA.

Hoxha ka thënë se ngjarja në Bularat ishte e organizuar nga qarqe nacionaliste e shoviniste greke dhe jo rastësore. Sipas tij nuk kemi të bëjmë me një person të thjeshtë, por me një person të përgatitur për të këtë sulm dhe kjo dallohet edhe nga arma e tij e modifikuar.

?Ngjarja nuk ishte e rastësishme. Ata që e patën organizuar skenarin s?patën parashikuar reagimin e forcave policisë. Ndërhyrja e RENEA-s prishi planin e bashkëpunëtorëve të tij. Plani i tyre ishte largimi i 35-vjeçarit për në Greqi, duke e kaluar në këmbë kufirin.

Arma është e modifikuar, nuk kemi të bëjmë me një person të thjeshtë që ka marrë një armë e ka filluar të qëllojë. Arma e modifikuar edhe me një shënjestër holigrafike për të parë objektivin edhe natën?,-u shpreh Hoxha.

Më tej ai ka folur për sulmet në pikat kufitare shqiptare me Greqinë në vitet 1994 dhe 1995 dhe ka thënë se sulme të tilla janë të organizuara e përdoren për luftën e brendshme politike greke.

Duke u shkëputur nga ngjarja në Bularat, Hoxha është pyetur  lidhur me hetimet për ish-ministrin Saimir Tahiri dhe provën që ky i fundit dorëzoi sot para autoriteteve shqiptare.

Artan Hoxha zbuloi se Tahiri ka dorëzuar sot në Prokurori, vendimin e Gjykatës së Katanias, e cila e shpall të pafajshëm ish-ministrin në çështjen ?Habilaj?.

Ky vendim i Gjykatës së Katanias, për Artan Hoxhën nuk mbyll hetimet në Tiranë, por është një provë e fortë në favor të tij.

?Tahiri ka dorëzuar këtë vendim sot në Prokurorinë e Krimeve të Rënda, nuk mbyll hetimet, por është një provë e fortë për të?, u shpreh Artan Hoxha./ CNA.al





Lajmet e fundit nga