web counter
LEXO PA REKLAMA!

SHKARKO APP

App Store
Google Play

E fundit!

x

“Provokim nga ekstremisti i Agimit të Artë”/ PDIU reagon pas ngjarjes në Gjirokastër

28 Tetor 2018, 13:02, Aktualitet CNA

PDIU ka denoncuar sjelljen e policisë ditën e sotme në Bularec të Gjirokastrës, pasi pretendon se përfaqësues të saj nuk janë lejuar që të protestojnë tek ceremonia përkujtimore e të rënëve grekë në luftën italo-greke të viteve ?40.

PDIU, në një reagim për mediat ka thekusra se dënon ngjarjen që ndodhi sot në Këlcyrë, ku një 35 vjeçar qëlloi me armë drejt makinës së policisë.

Gjithashtu PDIU ka reaguar lidhur me incidentin e rëndë që ndodhi sot në Bularec të Gjirokastrës, ku një person hapi zjarr ndaj makinës së policisë dhe tashmë është në kërkim. Sipas PDIU Kostandinos Kaçifa, është ekstremisti i Agimit të Artë.

Postimi i plotë:

Ndalohen patriotët shqiptarë të protestojnë dhe u hapet rrugë provokimit me armë të esktremistëve të Agimit të Artë. Policia nuk u jep leje patriotëve shqiptarë që të protestojnë për fyerjet që u bëhet të gjithë shqiptarëve me varrezat greke në Këlcyrë dhe bërjen e tyre vend pelegrinazhi për esktremistët grek të vorio-epirit. Patriotët shqiptarë si Elida Jorgoni kanë të gjithë të drejtën për të protestuar dhe ndalohen e arrestohen padrejtësisht nga Policia.

PDIU dënon këtë veprim të Rilindasve të rinj, të cilët po lëvizin nga vendprehjet e tyre Rilindasit e vjetër. Si është e mundur që disa shqiptarë patriot, të ndalohen të protestojnë në territorin e tyre në Këlcyrë, ndërkohë që në Gjirokastër lejohet që një ekstremist i Agimit të Artë, Konstatinos Kacifas, të qëllojë Policinë e Shtetit. Është e papranueshme që një ekstremist i Agimit të Artë që të jetë i pranishëm në territorin shqiptar në ceremoninë e varrezave për ushtarët grek dhe më pas ky ekstremist, qëllon Policinë Shqiptare. Partia Drejtësi, Integrim dhe Unitet bën thirrje që ekstremisti i Agimit të Artë të arrestohet nga Policia./ CNA.al





Lajmet e fundit nga