web counter
LEXO PA REKLAMA!

SHKARKO APP

App Store
Google Play

E fundit!

x

Qëlloi me armë zjarri makinën e policisë/ Shpallet në kërkim 35 vjeçari

28 Tetor 2018, 11:39, Aktualitet CNA

Një 35 vjeçar ka qëlluar me armë zjarri në ajër në Gjirokastër.

Ngjarja ka ndodhur rreth orës 10:00 në fshatin e quajtur Bularat, pak minuta para nisjes së festës  greke në përkujtim të ushtarëve të rënë në luftën Italo-Greke.

Shtetasi Kostandinos Kacifas ka qëlluar me armë dhe më pas është larguar menjëherë në drejtim të paditur.

Ndërkohë, policia është vënë në ndjekje të tij.  Kacifas njihet në fshat si një person me probleme mendore.

Njoftimi i plotë:

Rreth orës 10:00 në krye të fshatit Bularat, shtetasi Kostandinos Kaçifa, rreth 35 vjeç ka qëlluar me armë zjarri në ajër.

Menjëherë në drejtim të vendit nga vinin të shtënat kanë shkuar shërbimet e Policisë të cilat ishin të dislokuara në qendër të fshatit pasi do zhvillohej aktivitet me rastin e festës së Greqisë.

Shtetasi Kostandinos Kaçifa porsa ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tye.

Fatmirësisht nga të shtënat nuk ka punonjës policie të plagosur, por vetëm është thyer xhami i  mjetit të policisë.

Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin.

Shtetasi Kostandinos Kaçifa është futur në thellësi të fshatit ku forcat “Shqiponja” dhe sherbimet e tjera të Drejtorisë Vendore të Policisë vijojnë krehjen e zonës për të bërë të mundur kapjen e tij.

Në ndihmë të shërbimeve të Policisë së DVP Gjirokastër kanë shkuar forcat speciale Renea.

Shtetasi Kostandinos Kaçifa jeton në Greqi dhe ka rreth një javë që ka ardhur në Bularat.

Vijon ndjekja/ CNA.al





Lajmet e fundit nga