E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Ekskluzive/ Zbulohen kandidatët e opozitës përballë Veliajt

28 Tetor 2018, 14:40, Aktualitet CNA

Shumë emra qarkullojnë në koridoret e opozitës, por gjithcka ngelet ende e paqartë për sa kohë shumica e drejtuesve dyshojnë tek vendimet e Lulzim Bashës.

Së pari për lojën e tij dhe bojkotimin e zgjedhjeve lokale edhe pse deklaron që do ti fitojë dhe së dyti për faktin se ai mund të thërrase në zyrë 30 kandidatë t?ju premtojë të gjithëve dhe të vejë një që se ka thirrur fare.

Në Tiranë socialistët do rikandidojnë Erion Veliajn përtej intrigave, thashethemeve se ai nuk do jetë, apo Rama do e sabotojë.

PD dhe opozita nuk kanë ende nje emër zyrtar, por burime për CNA.al bëjnë me dije se janë disa kandidatura të cilat jo vetëm përfliten, por edhe janë diskutuar gjerësisht edhe propozuar nga baza sikandidatë.

Dashamir Shehi është një nga emrat më me peshë të opozitës, por ky i fundit e përjashton veten nga kjo garë. Për Lulzim Bashën do ishte një kandidaturë e fortë për vetë origjinën e tij si tirans, por edhe stofin e politikanit babaxhan dhe popullor.

CNA.al ka mësuar se emri i dytë është Jorida Tabaku, një emër që përtej atyre qesharakëve që ka grupi parlamentar i PD, është një figurë racionale, me mbështetje në Tiranë, një tironse 24 karat dhe emër përfaqësues i opozitës që ka qëndruar përtej përpjasjeve dhe shernajave të brendshme. Duket një linjë e pëlqyer nga Berisha edhe afër Bashës. Tabaku vështirë se mund të pranojë kandidimin duke ditur dhe kuptuar situatën dhe disfavorin nga politika e vetë Bashës.

Gert Bogdani duket të jetë një nga emrat më potencialë për të kandiduar përballë Veliaj në Tiranë. Një ish-socialist i konvertuar në demokrat si zëdhënës i Bashës e më pas i PD. Tirans që pretendon se mund ta thyejë Veliajn por kjo duket të jetë më shumë endër në sirtar duke njohur forcën e tij, mbështetjen brenda PD por edhe rivalin. Bogdani në rast të kandidimit të Shehit përballë Veliajt përfiton mandatin e deputetit pasi është i pari në listën pritëse të PD.

Propozime emrash të tjerë në bazën e PD ka pasur edhe figura të tjera politike si Florjon Mima, Jamarbër Malltezi, Kreshnik Collaku, Belind Këllici etj.

Edhe LSI nga ana e saj ka hedhur në diskutim brenda opozitës emrin e Klajda Gjoshës, por një emër tjetër i përfolur është ai i Ylli Manjanit.

Por tre emrat kryesore për opozitën janë Shehi, Tabaku dhe Bogdani, emrat e LSI do merrnin peshë vetëm në rast se Basha do e lëshonte Tiranën për aleaten Kryemadhi./ CNA.al