web counter
LEXO PA REKLAMA!

SHKARKO APP

App Store
Google Play

E fundit!

x

(Foto) Çunat e showbiz-it, para dhe pas martesës!

24 Tetor 2018, 07:42, Aktualitet CNA

Edhe pse shumica nuk e pranon në sytë e të tjerëve,  jeta e një djali ndryshon shumë në momentin që ai kthen statusin e beqarit në të lidhur apo të martuar. Nëse më parë çunat bënin një jetë të shfrenuar, absolutisht me në fokus pasionet e tyre, ambientet e zhurmshme apo në përgjithësi me një grumbull çunash, pas martese gjërat ndryshuan plotësisht. Një lojë bilardo, playstation, kalçeto me çunat, ahengu për qejf zëvendësohet me darkat romantike, një gotë verë në mbrëmje, gatimet në shtëpi? Jo vetëm se në jetën e tyre hyn një njeri i ri, por ky person merr gjithë vëmendjen tënde, e ashtu si padashur dhe pa asnjë qëllim të ndryshon gjithë përditshmërinë.

Këtë po ua themi vetëm duke u hedhur një sy rrjeteve të tyre sociale. E keni vënë re se sa ka ndryshuar profili i këtyre personazheve që nga momenti që janë lidhur e më vonë janë martuar?

 

Getoar Selimi 

Përpara se Marina Vjollca të hynte në jetën e Getoar Selimit, jo se jeta e tij nuk kishte kuptim por e gjithë përditshmëria ishte e mbushur me aventurat që bënte me çunat e ?BabaStars?. Getoari i publikonte klipet një pas një. Le të themi se më përpara shpeshtësia e publikimit të projekteve të tij ishte me e madhe. Përveçse duke u marrë me projekte, Getoari kohën e tij e kalonte vetëm me çunat e ?Babastars?, duke bërë diss-e. Këtë gjë e dëshmojnë më së miri edhe fotot e tij të shumta me Agonin, Cozman, Skivin apo Onat në rrjete sociale. Që nga momenti që Marina hyri në jetën e  tij, kur u martuan e në vazhdim, e gjithë jeta e tij u fokusua drejt saj. Ai nuk kalonte më aq kohë me çunat. Kjo ?largësi? u komentua gjatë në rrjete sociale. Pothuajse 1 në 3 fotot që Getoari publikon është ai me Marinën, çunat askund. Madje-madje, ai është nga ata që ia bën qejfin gruas por edhe vetes duke e treguar publikisht se ka në krah një nga vajzat më të bukura. Nëse do të shfletoni Instagram-in e reperit do të shihni shumë foto të Marinës, vetëm.

 

Ermal Mamaqi

Para se të martohej me Amarda Toskën, Ermal Mamaqi nuk kishte Instagram. Kjo sepse në atë kohë ky rrjet social nuk ishte aq i popullarizuar, ama ne si ndjekës të karrierës së tij si aktor e mbajmë mend mirë se në qendër të jetës së tij sociale në atë kohë ishin ose çunat e ?The SHBLSH?, ose kolegët e tij të vjetër të ?Portokalli?-së. Ermali gjithnjë ka qenë tip social, edhe sot vazhdon të jetë dhe është ndër të paktët personazhe që nuk ka konflikte me emra të tjerë të njohur të ekranit. Por Ami ka zënë një vend të rëndësishëm në jetën e tij. Jo vetëm që fotot e Ermalit me Amin në rrjete sociale janë shtuar, por tashmë shumë gjëra që më parë Ermali i bënte me shokët, tashmë i bën me bashkëshorten e tij, siç janë për shembull xhirot me motorra. Një tjetër dëshmi është se dhe vetë Ermali e ka pranuar se është një bashkëshort aq i mirë sa e ndihmon Amin në shtëpi (gjë që para martesës dyshojmë se e bënte).

 

Bes Kallaku

Bes Kallaku është një tjetër rast që kemi zgjedhur ta përfshijmë në përshkrimin e çunave para dhe pas martesës. Përpara se të njihej e të martohej me Xhensilën, Besi ka qenë një çun ?karagjoz? (në kuptimin e  mirë të fjalës). Nuk kishte rast që me Besin mos të qeshje mbështetur kjo edhe nga profili i tij si aktor. E padiskutueshme është që Besi kalonte më shumë kohë me çunat, shokët e tij. Postimet në rrjete sociale jo kaq të shpeshta sa tani ishin komike, ndërkohë që prej të paktën 6 vitesh ndihet prezenca e Xhensila Myrtezajit, jo vetëm përmes fotove në profil, në Instastory por edhe në skeçet që ai përgatit për ta bërë publikun për të qeshur. Jo më larg se javën e kaluar ai i kushtoi një rubrikë të tërë periudhës së shtatzënisë që Xhensila kaloi dhe ndjesitë që ai përjetoi gjatë 9 muajve të pritjes së ëmbël.

 

Sinan Hoxha

Përpara se Andrra të vinte në jetën e tij, Sinani kishte pafundësisht postime të koncerteve të tij në rrjete sociale, kryesisht foto në të cilat shfaqej i shoqëruar nga kolegë si Leonora Poloska, Soni Malaj, Ermal Fejzullahu apo Seldi Qalliu. Por sapo Andrra hyri në jetën e tij dhe lidhja u bë zyrtare deri në martesë, ?voila?, shpërthyen fotot me puthje të çiftit në momentet e tyre më të lumtura. Nuk munguan absolutisht as ato takimet çifte-çifte dhe postimet në rrjete sociale në të cilat padiskutim Andrra ishte aty. Nga Sinani, miku i gjithë kolegëve u kthye në Sinanin bashkëshort, pastaj mikun e gjithë dynjasë.

Gjiko 

Gjikon zgjodhëm ta fusnim duke qenë se është edhe më i freskët. Përpara Elitës, Gjikon e shihnim të publikonte në rrjete sociale kryesisht foto dhe video të projekteve të tij muzikore, momente nga përditshmëria e tij me shoqërinë edhe pse shumë pak por le të themi që kishte profilin e një beqari që nuk do të prononcohet shumë ?publikisht? për jetën e tij. Pas konfirmimit të lidhjes me Elitën, fotot nga pushimet u bënë gjithnjë e më të shpeshta, gjithmonë krah saj. Kryesoret janë fotot çift me një koment pikant të Gjikos, por gjithnjë në krah të partneres së tij të zemrës. Tashmë jo i veshur si reper, por më së shumti me kostume. /





Lajmet e fundit nga