Ish-ministri flet hapur/ Tregon mënyrën e vetme për të larguar Ramën nga pushteti

23 Tetor 2018, 13:47, Aktualitet CNA

Ish-ministri i Drejtësisë Ylli Manjani në qeverinë Rama 1 është shprehur se Shqipëria, sot drejtohet nga filozofia, mendësia dhe realiteti mono-partiak.

Në një postim në rrjetet sociale se monizmi është ulur këmbëkryq dhe se partia e Ramës kontrollon çdo gjë.

?Republika është e gjitha në dorë të partisë. Kjo e fundit mjeti në dorë të një njeriu.Ky ishte modeli më i shëmtuar dhe më kriminal që na drejtoi gjysmën e dytë të shekullit të shkuar? , – ka shkruar ai më tej.

Gjithashtu në postimin e tij Manjani ka dhënë edhe një këshillë, për opozitën.

?Ndaj sugjerimi im për Opozitën në radhë të parë është që të godasë monizmin si filozofi dhe model politik! Njerëzit janë produkt i këtij sistemi, ku udhëheqësi i heq e i vë sipas qejfit! Të gjithë njerëzit në monizëm janë të goditshëm!?.

Postimi i plotë

Një sugjerim për opozitën dhe jo vetëm.

Duhet ngritur steka e të bërit politikë. Vendi sot drejtohet nga filozofia, mendësia dhe realiteti mono-partiak.

Monizmi është ulur këmbëkryq. Partia kontrollon çdo gjë. Republika është e gjitha në dorë të partisë. Kjo e fundit mjeti në dorë të një njeriu.

Ky ishte modeli më i shëmtuar dhe më kriminal që na drejtoi gjysmën e dytë të shekullit të shkuar.

Pa dyshim e pafalshme për ne të gjithë që lejuam rikthimin e mono-partizmit! Por kjo nuk shkarkon nga përgjegjësia ideatorin dhe realizuesin e këtij projekti politik me pasoja të rënda.

Modeli politik i Rilindjes ishte dhe tashmë dukshëm është MONIZMI!

Monizmi është arësyeja për dhunimin e lirive themelore të çdo kujt. Në monizëm nuk lejohet të kesh privatësi; të mendosh e të flasësh; të kesh pronë; të mos arrestohesh e ndalohesh pa prova; të kesh të drejtë të jetosh me punën tënde.

E folura është veçanërisht krim i rëndë.

Në monizëm ska treg të lirë, ekonomi me konkurrencë, nismë të lirë e sipërmarrje të ndershme. Ka vetëm një mënyrë të fitosh (bukën e gojës dhe paratë për bisnesin) ta kesh mirë me pushtetin.

Në monizëm nuk ka debat politik, parlament mbi qeverinë, drejtësi e shtet mbi pushtetin! Në monizëm ka burra votash jo burra shteti!

Vota në monizëm nuk ka asnjë vlerë, është thjesht një formalitet! Pë zgjedhje as që bëhet fjalë. I di partia këto punë…

Në monizëm ka deputetë e zyrtarë me cene që të jenë të shantazhueshëm. Partia të ngre lart dhe partia ta fut, sepse qëllimi është të kënaqet populli!

Në monizëm partia të arreston jo për drejtësi, por për populizëm!

Ç?të thuash më shumë! Nëse ende sja kemi pirë lëngun mono-partizmit, nuk e meritojmë demokracinë!

Ndaj sugjerimi im për Opozitën në radhë të parë është që të godasë monizmin si filozofi dhe model politik!

Njerëzit janë produkt i këtij sistemi, ku udhëheqësi i heq e i vë sipas qejfit! Të gjithë njerëzit në monizëm janë të goditshëm!

Sepse njeriu ska vlerë para dëshirë së udhëheqësit për sundim.

Ne duhet të rikthejmë sistemin politik në parametra demokratikë. Kjo është detyra. Duhet ta bëjmë këtë gjë duke braktisur institucionet moniste të sotme dhe duke propozuar sistemin e ri.

Opozita e sotme ka një shanc të madh. Ka shancin e ndërtimi të një sistemi të ri politik.

Një sistem që bazohet te demokracia, barazia dhe liria, jo më tek partia.

Nuk ka asnjë kuptim harxhimini kohës për të korrigjuar Monistët! Asnjë bashkëpunim me ta!

Ata lindën monistë dhe duhen izoluar si të tillë. Xhisiela, Alizotë, Taulantë, Fatmirë e Arbenë (pavarësisht mbiemrit) do prodhojnë edhe sikur ti largojnë këto të tanishmit!

Kjo është sot çështja themelore: mposhtja e monizmit dhe rikthimi në demokraci!

Për këtë kauzë ja vlen djegia e këtyre mandateve që skanë vlerë; braktisja e institucioneve që i sundon partia në pushtet dhe madje edhe votimet farsë që bën pushteti.

Alternativa e vetme që na duhet është DEMOKRACIA!/ CNA.al