web counter
LEXO PA REKLAMA!

SHKARKO APP

App Store
Google Play

Dorëheqja e Ervin Demos/ Tregues i degradimit të qeverisë Rama

19 Tetor 2018, 16:55, Aktualitet CNA

Pas dorëheqjes së zv.ministrit të Arsimit, Ervin Demo ka reaguar deputeti i Partisë Demokratike, Luçiano Boçi.

Në një postim në rrjetet sociale, Boçi shkruan se dorëheqja e Demos pa kërkuar ndjesë publike është treguesi më i mirë i degradimit të qeverisë së Ramës.

Më tej në postimin e tij deputeti demokrat shkruan se deputetja Blerina Gjylameti, si bashkëpunëtore në plagjaturën e Ervin Demos duhet të japë dorëheqjen.

Postimi i plotë:  

DORËHEQJE ME PËRBETIM!?

Dorëheqja e zëvendësministrit të Arsimit Ervin Demo, pa kërkuar as ndjesë publike për vjedhjen e punës intelektuale të dikujt tjetër, është simboli i degradimit total të qeverisë dhe partisë që ai përfaqëson.

Përbetimi për besnikëri ndaj Edi Ramës, në vend të ndjesës ndaj shoqërisë, tregon se vjedhja dhe mashtrimi mbrohen, nuk ndëshkohen.

Është e papranueshme heshtja e Ministrisë së Arsimit, e cila, në vend që ta kishte shkarkuar që në fillim, mjaftohet me përbetimin se Ervin Demo do të punojë me besnikëri për partinë dhe shokun Edi Rama.

Është po kaq e papranueshme që Kryetarja e PS të Tiranës, Blerina Gjylameti, vazhdon të mbajë mandatin e deputetit.

Në një vend normal, Blerina Gjylameti, bashkëautore e artikullit plagjiaturë me Ervin Demon, duhet të kishte dhënë gjithashtu dorëheqjen.

Është koha të ndalim së bashku grabitësit e votave, grabitësit e tenderave, grabitësit e artikujve shkencorë, grabitësit e së ardhmes sonë./ CNA.al





Lajmet e fundit nga