web counter
LEXO PA REKLAMA!

SHKARKO APP

App Store
Google Play

Basha dështon në “Opinion”/ Përtej audiencës nuk pati asnjë lajm   

19 Tetor 2018, 10:36, Aktualitet CNA

Kryetari i Partisë Demokratike, Lulzim Basha ka qënë i ftuar mbrëmjen e djeshme në studion e emisionit ?Opinion?, ku vijoi të përsërisë ato që thotë çdo ditë në rrjetet sociale, pa thënë asgjë të re, pa bërë asnjë lajm, megjithëse kishte parapërgatitur pyetjet me stafin e tij.

Çuditërisht Basha dje ishte edhe pa imazh të kuruar, në sfondin e studios në vend të rinisë qëndronin disa pensionistë të paguar nga Klani.

Ndërkohë që në të njëjten studio telvizive del kryeministri apo kryetari i Partisë më të madhe opozitare në vend, minimalisht publiku pret që të dëgjojë diçka te re, pret që të prodhojë lajm, por fatkeqësisht kjo nuk ndodh me Lulzim Bashën, por ndodh shpesh me Sali Berishën, edhe pse dje ishte në një televizion simbolik përpara Tv Klanit.

Berisha vijon të ndiqet maksimalisht nga jo vetëm nga demokratët, në çdo dalje televizive mbush portalet me lajme, faqet e para të gazetave dhe tezat e tij diskutohen gjerësisht. Basha dje e la edhe ?RD?-në pa lajme.

Luli vazhdon t’i “bjerë fyellit në të njëjtën vrimë”, siç thotë populli. Kush ja ka mësuar dhe kush e këshillon, qenka totalisht pa vesh muzike.

Me kaq shumë skandale sa ka pasur kjo qeveri dhe situatën ku kalon vendi, opozita nuk do ta kishte pasur të vështirë rrëzimin e pushtetit të Ramës, pasi shqiptarët në shumicë mund të jenë kundër tij, por Bashën nuk e ndjekin pas. Për ta, koha ka treguar se Luli nuk është më i mirë se Rama, ose të paktën nuk vlen sa Rama, sado i keq të jetë ky i fundit.

Basha dje vazhdoi ti binte fyellit duke përsëritur të njëtat gjëra. Ka pesë vjet që përsërit e përsërit, ndoshta me parimin se përsëritja është mëma e dijes, por në rastin e Lulit po kthehet në ?papagallizëm?. Këtë e di Luli, këtë e di kunati, këtë e dinë demokratët dhe këtë e dinë të gjithë shqiptarët./CNA.al





Lajmet e fundit nga