Ëndrra e vrarë e Tanit

17 Tetor 2018, 16:11, Aktualitet CNA

Sot Dritan Hoxha duhej të ishte 50 vjeç, por kilometrazhi i jetës së tij u ndal në fundin e majit 2008, pak muaj përpara se të festonte ditëlindjen e 40. Hidhërimi për largimin e tij njerëzor dhe jo vetëm lanë një keqardhje të madhe për të gjithë miqtë e tij

Tani iku dhe la shumë pengje pas. La familjen, la bizneset, la televizonin, la shokët e miqtë e tij, la gjithçka shumë përpara kohe.

10 vjet më pas shumë gjëra kanë ndryshuar. Tani sigurisht që nuk është më. Shokët e miqtë e tij janë pakësuar. Bizneset pothuaj nuk janë më as të familjes, pasi dikush ka luajtur keq me to. Televizioni tij është në një rënie të vazhdueshme, por edhe familja e tij ka filluar ta kujtojë gjithnjë e më pak.

Kjo të paktën u vu re në ditëlindjen e 50 të Tanit të Topit, sajuar në një festë të rëndomtë atje në Mëzezin e varfër, me një banket po aq të varfër, me një njerëz të sforcuar e frikësuar dhe për më tepër pa praninë e fëmijëve të Tanit. Lori nuk ishte në ditëlindjen e 50 të babit të saj dhe nuk kishte asnjë arsye që të mungonte. Ajo duhej të ishte aty jo vetëm për të mbajtur gjallë kujtimin e babait të saj, por edhe sepse kjo ishte mundësi e mirë që ti jepte besimin e humbur stafit të televizonit.

Prej shumë muajsh në atë televizion është krijuar një klimë e keqe. Shumë e keqe. Me njerëz të pasigurtë, largime të shpeshta, kërcënime për largime dhe gjoba për punonjësit. Pak profesionalizëm dhe një një rënie pikiatë në audience, si kurrë më parë. Televizioni më i fuqishëm në Shqipëri e ka humbur prej kohësh shkëlqimin e tij.

Në fakt, edhe pse me pak vonëse vajzat Dritan Hoxhës duket e kanë kuptuar që ai nuk është më televizioni që ndërtoi Tani. Sepse Top Channel është kthyer një lodër të rrezikshme në duart e një njeriu makut si Ben Blushi. Njeriu që nga foltoret politike ishte shfaqur në këto 20 vitet e fundit si një ?Robin Hud?, në të vërtetë është vetëm një kusar i pangopur, që pasi qorroi, mashtroi dhe varferoi Vjollca Hoxhën, po bën një propagandë të shëmtuar me emrin e Top Channel.

Blushi solli varfërinë në Top Channel, edhe pse vetë ai përfiton rrogën më të lartë që një drejtues ka marrë më parë në atë institucion. I varfër ishte edhe fjalimi I tij në ceremoninë përkujtimore të 50 vjetorit të Tanit, edhe pse në darkat që Blushi hante me Tanin vera më e shtrenjtë derdhëj lumë, e tavolinat ishin të mbushura me peshk. Sot 10 vjet pas vdekjes së Tanit Blushi e ka ende atë shijen e verës, edhe pse po shkel më këmbë ëndrrën e madhe të Tanit.

Dhe Zonja Hoxha si çdo tetor vazhdon të organizojë festa përkujtimore në mënyrë kortezie për bashkëshortin e ndjerë, thjesht për inerci, madje pa e përmendur më Tanin…

Në sallën e errët dhe pa jetë të Mëzezit këtë tetor shfaqej grafikisht vetëm një numër 50, ndërsa Ëndrra e Dritan Hoxhës duket se është varrusur përgjithnjë bashkë me trupin e tij në varrëzat e Sharrës