Veliaj frikë nga mosrikandidimi/ I shpall luftë Ramës

18 Tetor 2018, 06:54, Aktualitet CNA

Kryetari i Bashkisë së Tiranës, Erion Veliaj duket se po e përjeton shumë keq faktin që kryeministri Edi Rama nuk e ka konfirmuar ende si kandidat sa i takon zgjedhjeve vendore të vitit 2019.

Dy ditë më parë, shefi i qeverisë inspektoi punimet në zonën lindore të Unazës së Madhe të Tiranës, por kryebashkiaku Veliaj nuk u pa gjëkundi. Por kjo gjë nuk është kapërdirë dot nga Veliaj.

Ditën e djeshme Veliaj ka nxjerrë krahun e tij të djathtë të sulmojë Ramën. Bëhet fjalë për kryebashkiaku i natës në Tiranë, Briken Fejzullai, i cili dje ka shpërthyer në akuza ndaj shefit të qeverisë.Në janar 2017, kryetari i Bashkisë së Tiranës, Erion Veliaj doli publikisht dhe deklaroi se Tirana është një qytet që nuk fle, duke emëruar Briken Fejzullai si kryebashkiakun e natës.

Kështu që duke qenë se Fejzullai është krahu i djathtë i Veliajt, dyshimet janë se ky i fundit po e përdorpër të sulmuar Ramën. Përmes një letre të hapur të publikuar në rrjetet sociale, aktivisti i shoqërisë civile që mban titullin honorifik ?kryebashkiaku i natës? në Tiranë, Briken Fejzullai ka intimiduar Ramën.-shkruan gazeta Sot.

Ai nuk i ka lënë gjë pa thënë Ramës, teksa ka qenë i revoltuar me platformën antishpifje të propozuar nga shefi i qeverisë. ?Ti nuk ke shpifur kurrë, mor plak! Ti ishe i sinqertë; kur rrihje për vdekje e i nxirrje rrugëve lakuriq nga shtëpia, duke ua flakur rrobat nga ballkoni, femrat të cilave u përbetoheshe se i doje. Ti ishe i sinqertë; kur shaje me libër shtëpie këdo që të dilte përpara, në ditët e tua të zeza, pas netëve të gjata ?të bardha?… përfshirë ata, të cilëve u vinte atëherë e u vjen akoma sot.Ti ke qenë gjithnjë i sinqertë me veprimet e tua, ndaj të kuptoj mirë që acarohesh, nga fjala shpifje?, deklaroi ai.

Po ashtu, Fejzullai ka sulmuar Ramën edhe për premtimet e tij gjatë këtyre 5 viteve. ?Ti ishe i sinqertë; kur na the që e kishe vendosur personalisht, që stadiumi do bëhej me kullë, e teatri idem, me shumë kulla. Ti ishe i sinqertë; ndërsa bëje të fortin me të dobëtin, kur çoje në burg kryefamiljarë për 30 mijë lek të vjetra drita të papaguara, duke i parë sesi vrisnin veten, nga turpi?, nënvizoi ai.

Pra, kjo letër e hapur ndaj Ramës, lë dyshime se fshihet kryebashkiaku Veliaj, duke qenë se Fejzullai është krahu i tij i djathtë. Thënë më troç, përmes këtij sulmi, Veliaj bën presione dhe kërkon të rikonfirmohet nga kryeministri Edi Rama si kandidat i mazhorancës për Bashkinë e Tiranës në zgjedhjet vendore të 2019.

Letër e hapur drejtuar kryeministrit/ ?I besuari? i Veliajt degjeneron Ramën