web counter
LEXO PA REKLAMA!

SHKARKO APP

App Store
Google Play

E fundit!

x

Rama çmendet në "Dritare"/ Bërtet dhe kërcënon me burg gazetarët

16 Tetor 2018, 20:59, Aktualitet CNA

Kryeministri Edi Rama është i ftuar mbrëmjen e sotme në emisionin ?Dritare me Rudinën? në News24, për të diskutuar për zhvillimet e fundit, ndër to propozimi për paketën antishpifje.

Rama është përplasur me gazetarët dhe në debat e sipër ka ngritur tonet, duke thënë nuk i ka borxh askujt dhe nuk e toleron shpifjen.

Kryeministri ka treguar një histori me djalin e tij të madh Gregun, i cili kishte filluar të qante, pasi dëgjoi shpifjet që thuheshin për të në media.

?Unë jam babai i një djali 4-vjecar dhe një 30 vjeçari. Unë nuk i  kam borxh askujt që dhe një fëmijë tjetër të rritet nën terrorin e shpifjeve dhe llumin që më hidhet. Nuk e harroj unë kur e kam parë djalin tim, nën krevat të lidhur aty tek këmbët e tij, duke qarë e kuisur sepse kishte dëgjuar se nuk ishte djali im por i babait tim. Nuk shpifin gazetarët në botë. Thotë njëri këtu vëllai jot kështu e del ky tjetri keshtu. Këtu nuk diskutohet fare për ngjarjet që u interesojnë njerëzve?- tha Rama.

Ndër të tjera Rama ka thënë për gazetarët se janë bërë qesharakë dhe se gjuha u është shndërruar në shollë këpuce.

Kryeministri ka sjellë dhe burgun në emision, duke thënë se nëse do dënohej shpifja, shumica e gazetarëve do të ishin prapa hekurave.

?Nëse ju do kishit bërë këtë që keni bërë do ishit në burg tani. 25 vende të BE e dënojnë me burg shpifjen. Kroacia e hoqi dhe pas anëtarësimit e vuri prap. Me këto që bëni ju, do ishit në burg sot. Nuk po them për të gjithë ju se nuk jeni njësoj. Unë nuk kam parë gazeta dhe portale në Francë e Itali që të bëjnë ironi dhe të hedhin shigjeta me kryeministrin. Por këto që bëni ju është e paimagjinueshme. Një shpifës nuk meriton një supë në burg. Gazetarët shpifës dhe shpifësit duhet të tundin lekët?- tha Rama./CNA.al





Lajmet e fundit nga