web counter
LEXO PA REKLAMA!

SHKARKO APP

App Store
Google Play

E fundit!

x

Masakra në Mat/ Dëshmia tronditëse e të mbijetuarit: Si na qëlloi kreu i PS-së

12 Tetor 2018, 15:02, Aktualitet CNA

Astrit Hani është i vetmi i mbijetuar masakrës së djeshme në Mat, ku një 51-vjeçar vrau me kallashnikov 3 punonjës të bashkisë Mat.

Kujtojmë këtu se shkak i krimit të 3-fishtë u bë rruga e fshatit Shëlli, ku këta punonjës po kryenin punime.

Nga spitali i Burrelit, ku ndodhet i shtruar Hanin ka treguar minutat e tmerrit, që përjetoi ditën e djeshme. Ai u plagos me dy plumba në kofshën e djathtë.

Në një gjendje tejet të rënduar psikologjike, ai ka treguar se si Kujtim Koxha, ish-plaku i fshatit qëlloi me breshëri automatiku tre kolegët e tij dhe atë vet.

?Kujtimi ishte dy orë para ngjarjes në atë lokal. Ishte ulur bashkë me Hamit Buçin. Pak më vonë, babai i një nga viktimat, Mentor Hoxhës, e qerasi me një dopio raki Kujtimin dhe më pas u largua. Aty ishin të gjithë punonjësit e bashkisë, edhe shoferët e makinave dhe varrmihës, po punonin për rrugën. Unë isha poshtë makinës (shoferi i një prej mjeteve të bashkisë) se po e shihja se dha një defekt, dhe pash që Kujtimi po debatonte me viktimat. Dëgjova që u thoshte ?Jam unë këtu, jo ju? dhe kur iku i ofendoi. Madje ai tha; ?do ta shihni për pak se kush jam unë??, – ka thënë  ai për BW.

Më tej, ai ka treguar se gjithçka ndodhi gjatë kohës që ata ishin të gjithë duke ngrenë drekë, ndërsa autori i ngjarjes ishte larguar prej aty 20 minuta më parë.

?U largua për 20 minuta, se aq siç duket e kishte shtëpinë larg prej aty. U fut në derë me automatik, dhe një çantë në dorë. Të parin qëlloi Mentor Hoxhën dhe më pas hapi zjarr me automatik tek të tjerët. Vëllai i pronarit të lokalit që ishte tek banaku, pas dere e kapi nga duart dhe i ngriti automatikun lartë dhe plumbat prekën tavanin. Po mos të kishte qenë ai do ishin 13 viktima brenda në lokal?,- ka vazhduar ai./CNA.al





Lajmet e fundit nga