E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

“Shqipëria e zhytur në kaos dhe kriminalitet”/ Deputetja jep alarmin

12 Tetor 2018, 12:07, Aktualitet CNA

Deputetja e Partisë Demokratike, Grida Duma në një dalje për mediat ka reaguar në lidhje me ngjarjet e fundit kriminale në vend.

Deputetja Duma ka dhënë alarmin për gjendjen e sigurisë në vend, ndërsa theksoi se Shqipëria është zhytyr në kaos dhe kriminalitet.

?Ka kaluar vetëm një javë nga vrasja ne bllok dhe për 24 orë janë shënuar sërish 5 viktima. Mbrëmë edhe një 13-vjeçare humbi jetën e vrarë me armë zjarri. Dy orë më parë një tjetër plagosje me armë zjarri ndodhi në Tiranë. Orë pas ore vendi po zhytet në panik dhe në pasiguri për Jetën, ndërsa Xhafaj flet për aksione imagjinare dhe statistika me ngjyra. Shqipëria është në duart e krimit. Në këto ditë të këqija partia demokratike i bën thirrje atyre që i rrezikohet detyra nga presionet të vazhdojnë të bëjnë detyrën e tyre.?-tha ndër të tjera deputetja e PD, Grida Duma.

DEKLARATË E PARTISË DEMOKRATIKE, DEPUTETJA GRIDA DUMA

Në një kohë që policia e Fatmir Xhafajt është ngritur e gjitha në këmbë, për të mbrojtur vëllanë e tij trafikant droge, Shqipëria është zhytur në kaos dhe kriminalitet.

Nuk ka kaluar as një javë nga ngjarja e rëndë në ish-bllok, ku bandat u përleshën me armë pak metra larg zyrës së kryeministrit, vetëm gjatë 24 orëve të fundit janë vrarë 5 persona dhe plagosur disa të tjerë.

Mbrëmë një 13 vjecare humbi e dërrmuar me armë në bark, një vdekje fëmije aq e rëndë sa mjekët dyshonin nëse ishte goditje me armë prerëse. Një krim që ka fytyrën e varfërisë mjerimit dhe abandonimit, ku dhe dëshmitarët familjarë janë aftësi të kufizuara për të dëshmuar.

Dy orë më parë sërish raportohet një plagosje me armë në Tiranë, i plagosuri në spitalin e traumës.

Jo ditë pas ditë, por orë pas ore vendi është në panik në pasiguri të plotë.

Ndërsa policia është vendosur e gjitha në shërbim të vëllait të Ministrit të Brendshëm, puna e saj është si të fabrikojë prova kundër një gazetari, kundër medias, denoncuesve dhe opozitës.

Ministri Fatmir Xhafaj, i kapur mat ndërsa i siguron mbrojtje vëllait të dënuar për trafik ndërkombëtar droge, flet për aksione imagjinare kundër krimit, nxjerr letra me statistika.

Ndërkohë krimi godet çdo orë në çdo skaj të Shqipërisë.

Drejtori i Policisë së Shtetit, i emëruar nga Agroni/Geroni merret me shoqërimin e aktorëve të dyshes Rama-Xhafaj dhe i shërben Task Forcës e cila është ngritur vetëm për të shpëtuar familjen mafioze të ministrit.

Pesë të vrarë vetëm për 24 orë, ndërsa Fatmir Xhafaj dhe vartësit e tij flasin për ulje të krimit.

Nuk mund të ndodhë ndryshe, kur vetë qeveria, kryeministri dhe ministri tij ndërsejnë gjithë llumin kriminal në publik, dhe pastaj i strehojnë në familjen e tyre si vlera.

Kjo është mendësia kriminale që Edi Rama me qeverinë e tij i ngulitin në kokë shqiptarëve nga mëngjesi në darkë. E kishim thënë dhe po provohet që do të sillte veçse krim varfërim dhe frikë për jetën e njerëzve të ndershëm.

Shqipëria është në duart e krimit, sepse krimi është mendësia me të cilën qeveris Edi Rama.

Partia Demokratike i bën thirrje atyre burrave dhe grave që rrezikojnë jetën në detyrë që të kryejnë detyrën e tyre pavarësisht tradhtisë që iu bëjnë drejtuesit politikë të ministrisë së Xhafajt.

Koha e tyre po mbaron.

Partia Demokratike garanton shqiptarët, por veçanërisht ata burra dhe gra të ndershëm në policinë e shtetit që sakrifikojnë të mos shiten, që shumë shpejt policia e shtetit do të kthehet në funksionin e saj.

/CNA.al