web counter
LEXO PA REKLAMA!

SHKARKO APP

E fundit!

x

U arrestua në azilin politik të Kosovës/ Nisin procedurat për ekstradimin e “Babales”

12 Tetor 2018, 14:35, Aktualitet CNA

Albert Veliu i njohur ndryshe si ?Babalja?, apo dëshmitari X ende pa u bërë publik identiteti i tij, që shfaqet në audio-përgjimin ku implikohet vëllai i ministrit të Brendshëm Fatmir Xhafaj, pritet të ekstradohet nga Kosova për në Shqipëri.

Sikurse raporton TV Klan, Ministria e Drejtësisë është njoftuar nga pala kosovare për arrestimin e Veliut dhe ka nisur procedurat për ekstradimin e tij për llogari të Prokurorisë së Krimeve të Rënda.

Pala shqiptare do i drejtohet Ministrisë së Drejtësisë së Kosovës, por do të jetë gjykata e Prishtinës ajo që do të shqyrtojë kërkesën për ekstradim dhe do të vendosë për miratimin ose jo të saj.

Kujtojmë këtu se ndaj Veliut është dhënë masa e sigurisë ?arrest me burg?, nën akuzën e kallëzimit të rremë, kryer në bashkëpunim dhe kalim të jashtëligjshëm të kufirit, ndërsa arrestimi i tij u bë pasditen e së enjtes në një qendër të azil-kërkuesve  në Prishtinë, ku ai qëndronte prej qershorit./ CNA.al





Lajmet e fundit nga