E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

“Shqipëria vritet, Xhafaj krihet”/ Bilanc i frikshëm vdekjesh

12 Tetor 2018, 12:51, Aktualitet CNA

Vrasje, aksidente, plagosje, grabitje kanë mbushur kronikat mediatike pothuajse çdo ditë. Në vetëm një javë bilanci i vrasjeve dhe plagosjeve në Shqipëri është i frikshëm.

Rreth një javë më parë, në zemër të Tiranës, mbrëmjen e 4 tetorit, një ngjarje e rëndë tronditi kryeqytetin. Në një nga lokalet e ish-bllokut një peson mbeti i vrarë me armë zjarri, ndërsa dy të tjerë u plagosën. Të plagosurit janë Ervis Martinaj së bashku me Laert Hasën, ndërsa viktima është Fabiol Gaxha.

Të nesërmen, me datë 5 tetor, një pikë karburanti në Vlorë, u grabit nën kërcënimin e armëve, nga një person i maskuar. Ngjarja ka ndodhur në orën 05:53, në autostradën Vlorë-Fier pranë Novoselës.

Me datën 7 tetor, një 25-vjeçar është gjetur i vrarë me armë zjarri në Roskovec. Mësohet se viktima është Elsid Isufaj dhe dyshohet se është vetëvrarë në banesen e tij.

Po ashtu, me datë 7 tetor, rreth orës 18:30, një aksident i rëndë ka ndodhur në kryeqytet pasi një automjet ka dalë nga rruga dhe ka rënë në greminë, në fshatin Surrel dhe si pasojë e aksidentit ka humbur jetën një prej të plagosurve. Lulzim Balla dhe Zyhdi Alcani 55 vjeç u dërguan në spital, ndërsa i riu nuk ia ka dale të mbijetojë.

Me datë 8 tetor, në Cërrik dy të rinj janë plagosur me armë zjarri rreth orës 18:00 në vendin e quajtur ?Kryqëzimi i Yllit?. Policia bëri të ditur se është plagosur me armë zjarri në këmbë shtetasi me inicialet G.K., 20 vjeç, banues në fshatin Malasen Cerrik, si dhe shtetasi J.R., 22 vjeç, banues në Cërrik.

Me datë 9 tetor një aksident me pasojë vdekjen e një personi ka ndodhur rreth orës 14:16, në rrugën dytësore në Yrshek, në Tiranë, ku një mjeti tip ?kamion? me drejtues shtetasin A. Sh., ka aksidentuar me pasojë vdekjen e menjëhershme një këmbësor.

Me 10 tetor , një tjetër aksident me pasojë vdekjen ka ndodhur në Mirditë. Shtetasi A.P. 47 vjeç, banues në Lezhë, duke drejtuar mjetin tip Benz ka humbur kontrollin e tij duke dalë nga rruga. Për pasojë ka humbur jetën pasagjeria shtetasja M.P. 54 vjeçe, banuese në Lezhë si dhe janë lënduar 2 pasagjerët e tjerë, shtetasi Gj.P. dhe shtetasia D.P.

Me datë 11 tetor janë shënuar 5 viktima, dhe një i plagosur.

Rreth mesditës së djeshme në Mat, tre persona u ekzekutuan me armë zjarri, ndërsa një tjetër mbeti i plagosur, të gjithë punonjës të bashkisë në krye të detyrës. Sipas të dhënave zyrtare viktimat janë punonjësit Mentor Hoxha, Erzen Alija, Astrit Hani dhe Hamit Buçi, të cilët kishin shkuar për të hapur një rrugë në fshatin Shëlli. I plagosur është shtetasi Astrit Hani.

Ndërkohë, pasditen e djeshme një 13-vjeçare është gjetur pa jetë në banesën e saj, në rrethana të paqarta. Ngjarja u regjistrua mbrëmë në zonën e Babrrusë, aty ku e mitura, Kasandra Braja jetonte bashkë me prindërit e saj.

Mbrëmja e djeshme ka sjellë një tjetër viktimë. Një 35-vjeçar, i identifikuar si Olti Hajdari, ka humbur jetën, pasi ka marrë disa goditje me thikë. Ngjarja ka ndodhur gjatë mbrëmjes së kaluar në rrugën ?Misto Mame? në kryeqytet.

Sot, me 12 tetor, një plagosje me armë zjarri ka ndodhur pranë një karburanti në zonën e Selitës. I plagosuri M.SH, 18 vjeç , është transportuar drejt Spitalit të Traumës, ku ndodhet nën kujdesin e mjekëve.

Të vdekurit kanë zënë rrugët në të gjithë Shqipërinë. Por, kjo panoramë nuk e trazon Ministrin e Brendshëm, Fatmir Xhafaj i cili flet për operacione, për goditje të grupeve kriminale, për ?Forcën e Ligjit?, por pa kërkuar asnjë përgjegjësi nga vetja.

I rrethuar nga kufomat jo vetëm të aksidenteve por edhe të krimeve të tjera, Xhafaj, vijon të mos heqë dorë nga posti i Ministrit të Brendshëm.

Ai nuk e sheh veten përgjegjës për vrasjet që kanë pushtuar vendin, për shpërthimet me eksploziv që janë kthyer në normalitet, për aksidentet rrugore që po marrin jetë njerëzish./ CNA.al

Xhafaj si “papagall”/ Vrasjet, aksidentet, rrëmbimet dhe plumbat ndaj gazetares janë bilanc pozitiv?

Xhafaj, Ministri që mbledh kufoma

Shokon Xhafaj/ Justifikon vrasjet ?

Përgjaket Shqipëria/ Pesë vrasje në një ditë