E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Prova e prokurorisë/ Salianji drejt burgut?!

9 Tetor 2018, 09:32, Aktualitet CNA

Deputeti i Partisë Demokratike, Ervin Salianji, dje në një studio televizive rrëzoi espertizën e bërë mbi audio-përgjimin, që PD ka dorëzuar në prokurori, në lidhje me akuzat ndaj vëllait të ministrit të Brendshëm, Fatmir Xhafaj. Salianji dje tha që nuk është audio e duhur ajo së cilës i është bërë ekspertiza, ndërkohë që të njëjtën gjë ka bërë edhe avokati i gazetarit Jetmir Olldashi.

Në prokurori, gazetari Olldashi ka deklaruar se audion origjinale ja ka dhënë deputetit të Partisë Demokratike, Ervin Salianji. Por, nga ana tjetër Salianji, dhe PD-ja zyrtare, në prokurori kanë dorëzuar të njëtën video që publikuan për mediat dhe opinionin publik disa muaj më parë.

Pra, prokuroria ka në dorë një provë. Salianji po manipulon dhe po fsheh provat, për të bërë të pamundur hetimin e çështjes dhe për të rrëzuar ekspertizën. Ndërkohë që gazetari deklaron në prokurori se audion bruto e ka dorëzuar tek PD-ja, kjo e fundit çon zyrtarisht në prokurori një audio të montuar. Një audio me zhurmë në sfond, me muzikë dhe titra. Ndërkohë që audio bruto, e pretenduar nga gazetari Olldashi nuk ka muzikë në sfond dhe nuk ka titra.

Gjithashtu provë e fortë që rrëzon pretendimet e Ervin Salianjit janë edhe shumë përgjime të tjera, të realizuara shumë muaj përpara publikimit të audio përgjimit. Kujtojmë këtu edhe përgjimin e ish-zv/drejtorit të policisë së Tiranës, Erzen Breçani, i cili është telefonuar nga Alizoti duke i thënë se gjithçka ka qënë e sajuar dhe fallco, por në mënyrë që ai të mos fliste duhet të bëhej pagesa, e premtuar.

Prova tashmë duket të jetë në dorën e prokurorisë. Audio origjinale dihet se ndodhet në zyrën e Lulzim Bashës, e cila është audio bruto dhe zbardh të vërtetën e këtij skandali dhe mashtrimi të madh të servirur opinionit publik nga Ervin Salianji.

Salianji pretendon se audio-përgjimi është i vërtetë, por në prokurori nuk dorëzohet audio origjinale, por çohet një montazh i falsifikuar për të shpëtuar skenaristin që duket të jetë Lulzim Basha dhe aktorët, siç është Ervin Salianji dhe gazetari./ CNA.al