web counter
LEXO PA REKLAMA!

SHKARKO APP

Shpërdoroi detyrën/ Zyrtarja e lartë dënohet me 6 vite burg

8 Tetor 2018, 15:00, Aktualitet CNA

Ish-Ministrja e Brendshme maqedonase, Gordana Jankullovska, është dënuar me 6 vite burg për ?shpërdorim detyre?, në lidhje me çështjen ?Tanku?.

Gjykata e Shkupit e shpalli fajtore Jankullovskën për shkelje të procedurës së blerjes së një makine  të blinduar për ish-kryeminsitrin Nikolla Gruevski, me një vlerë prej 600 mijë eurosh.

Gjykatësja e çështjes, ka gjetur prova, se makina e porositur nga Ministria e Brendshme, ishte blerë për Gruevskin.

Më tej ajo shton se procedurat e tenderit kanë favorizuar një kompani të vetme, duke eleminuar nga gara subjektet e tjera.

Në lidhje me këtë çështje është dënuar edhe ish-kryeministri Gruevski me 2 vite burg dhe një zyrtar i Ministrisë së Brendshme me 4.5 vite burg.

Të gjitha këto akuza janë hedhur poshtë nga zyrtarët e dënuar, të cilët i kanë vlerësuar ato si të motivuara politikisht. /CNA.al





Lajmet e fundit nga