E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Kasaphana në zemër të Tiranës/ Si nisi sherri për Elvana Gjatën, dinamika e plotë e ngjarjes

6 Tetor 2018, 08:20, Aktualitet CNA

Mbrëmjen e së enjtes, një përplasje me armë zjarri në një nga zonat më të frekuentuara të Tiranës, tronditi mbarë opinionin publik.

Përplasja me armë zjarri, e cila la një të vdekur dhe dy të plagosur ndodhi në një lokal në zonën e ish-bllokut, e konsideruar si një dnër zonat më të sigurta në Tiranë.

Deri në këto momente, mësohet se pista kryesore e hetimit për ngjarjen e rëndë është ?Për motive banale?. Dyshohet se motiv për nisjen e sherrit që përfundoi me kasaphanë në zemër të Tiranës, është bërë këngëtarja e njohur, Elvana Gjata. Të paktën kjo është pista e kryesore ku ka përqendruar hetimet grupi hetimor, që ka arritur të zbardhë dinamikën e ngjarjes.

Ngjarja ka ndodhur rreth orës 21:50, në lokalin në pronësi të Redi Popeskut, që ndodhet në rrugën ?Ibrahim Rugova? tek ish-Blloku, ku kanë qenë të pranishëm disa persona.

Para se të ndodhte krimi, në banak ndodhej 36-vjeçari Ervis Martinaj, i shoqëruar nga shoku i tij, El- jon Hato, duke pirë verë. Ndërsa në një tavolinë ishin të ulur i dashuri i këngëtares Elvana Gjata, Ervin Mata, me dy miqtë e tij, Fabiol Alushi e Geldo Hotin, si dhe me truprojën e saj, Meviol Billo, njëkohësisht edhe mik i tyre.

Deri në këtë moment, burimet thonë se situata ka qenë e qetë dhe pa tensione nga të dy palët, ndonëse një javë më parë disa prej tyre ishin përfshirë në një konflikt, në një tjetër lokal në Tiranë. Shkak për konfliktin dyshohet të ketë qenë ngacmimi i Elvana Gjatës nga Fabian Gaxha, që sipas të dhënave shoqërohej me Martinajn edhe si mik, edhe si truprojë e tij. Disa minuta më vonë, rreth orës 21:40, situa- ta është tensionuar, pikërisht në momentin kur 28-vjeçari Gaxha është futur në lokal. Burimet thonë se 4 personat që ndodheshin në tavolinë janë ngritur në këmbë sapo ai është futur brenda.

Fillimisht ka qenë Meviol Billo ai që e ka sulmuar fizikisht Fabian Gaxhën, si hakmarrje për ngacmimin e këngëtares. Në konflikt mësohet se janë përfshirë edhe personat e tjerë. Më pas, në kohën që 28-vjeçari ka nxjerrë nga brezi një pistoletë tip ?Glock?, e gjetur nga Policia në vendngjarje, ndaj tij është qëlluar me armë zjarri, duke e lënë të vdekur në vend. Personi që ka qëlluar dyshohet të jetë 41-vjeçari Billo, truproja i këngëtares dhe i të dashurit të saj Ervin Mata. Nga të shtënat kanë mbetur të plagosur edhe Ervis Martinaj dhe Eljon Hato.

Mësohet se policia ka zbardhur ngjarjen, duke arrestuar dy persona, një tjetër është ndaluar në orët e mbrëmjes së djeshme në Kakavijë dhe tre të tjerë janë shpallur në kërkim. Mes personave të shpallur në kërkim nga Policia është edhe i dashuri i këngëtares, Ervin Mata, 31 vjeç.

Po ashtu, bashkë me të kërkohen edhe shtetasit Fabiol Alushi, 42 vjeç, dhe Meviol Billo, 42vjeç, truprojë i këngëtares, ky i fundit i dyshuar si personi që ka qëlluar me armë drejt personave të tjerë në lokal.

Mbrëmë Policia ndaloi në Kakavijë 37-vjeçarin Geldo Hoti, i cili dyshohet se ka qenë në tavolinë me të dashurin e Elvanës dhe dy të tjerët. Paraprakisht, Hoti është ndaluar për moskallëzim krimi, megjithëse ende nuk është vendosur për arrestimin, deri në sqarimin e rrethanave dhe pozicionit të tij. Tre të kërkuarit, sipas njoftimit zyrtar të Policisë së Tiranës, dyshohen për ?Vrasje në rrethana të tjera cilësuese, kundër dy ose më shumë personave e kryer në bashkëpunim?.

Nga ana tjetër, Policia ka arrestuar edhe dy të plagosurit, Ervis Martinajn dhe Eljon Haton, të cilët ndodhen në spital nën kujdesin e mjekëve.