web counter
LEXO PA REKLAMA!

SHKARKO APP

App Store
Google Play

E fundit!

x

Pjesa e fundit e “Dashuri Bardh e Zi”/ Asllë dhe Ferhat bëjnë kërcimin e parë si burrë e grua

6 Tetor 2018, 07:04, Aktualitet CNA

Namëk pranon të marrë dhe Zhulidenë në Greqi. Zhulide tenton të telefonojë Asllënë fshehurazi Namëkut, por ajo nuk i përgjigjet. Namëk e kupton se Zhulide po e tradhëton dhe e kërcënon me vrasje. Asllë e kupton se Jeter ka kancer.
Jigit i tregon Ferhatit se Jeter ka tumor në tru. Gylsym i flet ashpër Ferhatit. Ferhat fillon të mendojë se duhet të falë Jeterin, por nuk e lë dot pas të shkuarën. Asllë ngushëllon Gylsymin duke e siguruar se Jeter do të shërohet. Namëk i cakton Jeterit vendin e takimit. Ferhat përfundon përgatitjet e dhomës së fëmijës.
Asllë i kërkon Ferhatit që të shprehë ndjenjat e tij. Ferhat dhe Asllë i shkojnë Jeterit për vizitë. Ferhat ballafaqohet me Jeterin duke i thënë se nuk ka qenë kurrë nënë e mirë për ta, por duhet të bëhet një gjyshe e mirë për fëmijët e tyre. Ai e bind Jeterin që të rifillojë mjekimin.
Asllë dhe Ferhat bëjnë pazar për gjetjen e fustanit të nuserisë dhe kostumit të dhëndrit. Ferhat ka turp të dalë i veshur si dhëndër dhe Asllë mendon se ai është arratisur nga dyqani. Ajo i hyn Ferhatit në dhomën e zhveshjes dhe ai e rrëmben në puthje.
Ferhat vishet dhëndër. Ai falenderon Gylsymin për faktin që ka qëndruar më e forta në familje dhe ka mbajtur familjen e bashkuar. Jigit, Gylsym dhe Ferhat përqafohen në grup. Ferhat shtiret sikur nuk dëshiron që emri i të birit të jetë Mert.
Asllë bëhet nuse dhe Ferhat mahnitet kur e shikon. Namëk telefonon Jeterin para ceremonisë së dasmës. Jeter nuk pranon të arratiset me Namëkun dhe i tregon atij se familja është më e lumtur pa të. Namëk kërcënon Jeterin. Asllë dhe Ferhat bëjnë kërcimin e parë si burrë e grua.
Jigit bëhet dyshues nga mungesa e Jeterit. Ferhat dhe Jigit marrin në pyetje Jeterin dhe mësojnë se Namëk ka rënë në kontakt me të. Jeter pranon të bashkëpunojë me policinë, por duke vënë vetëm veten në rrezik. Jeter i shkon Namëkut në shtëpi dhe i kërkon atij që të dorëzohet.
Namëk i pranon Jeterit krimet që ka bërë, ndërsa e gjithë biseda e tyre regjistrohet. Namëk kërkon hakmarrje ndaj Jeterit për faktin që Ferhat nuk e pranoi atë si baba, por Jeterin e pranoi si nënë. Ferhat e kupton planin e Namëkut dhe shkon të shpëtojë Jeterin. Namëk i vë flakën shtëpisë duke qenë brenda sëbashku me Jeterin.
Asllë ka një parandjenjë të keqe. Jigit, Jeter dhe Ferhat kthehen shëndoshë e mirë në vilë. Namëk vdes mes flakëve, pasi nuk pranon që të dalë jashtë shtëpisë. Pas 6 muajsh familja mblidhet sërisht për të festuar. Asllë dhe Ferhat kthehen në vilë sëbashku me djalin e tyre në duar.
Vildan dhe Ozge i bashkohen festës familjare. Vildan uron Asllënë për fëmijën e saj. Gylsym është shtatzënë. Prokurori bëhet mik i ngushtë i familjes dhe pëlqen Vildanin sapo e shikon. Familja e madhe bëjnë një fotografi të lumtur sëbashku.





Lajmet e fundit nga