E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Manjani i kundërvihet Metës/ S’ka pse të fshihet pas Gjykatës Kushtetuese

4 Tetor 2018, 08:15, Aktualitet CNA

Presidenti Ilir Meta tha dje në një intervistë për ?Zërin e Amerikës? se është dakord me kryeministrin Edi Rama për paktin me Greqinë për kufirin detar dhe cështjet e tjera të vjetra që po diskutohen në paketën mes dy vendeve, por sipas tij marrëveshja duhet të kalojë në Kuvend në momentin që të ngrihet Gjykata Kushtetuese, pasi aktualisht ky institucion është jashtë funksionit për shkak të përjashtimeve që kanë ardhur nga vettingu.

Pas kësaj deklarate ka reaguar ish-ministri i Drejtësisë në qeverinë ?Rama 1?, i cili vinte nga radhët e LSI-së, Ylli Manjani ka dalë kundër deklaratës së presidentit Ilir Meta, për marrëveshjen e detit mes Shqipërisë dhe Greqisë.

Manjani, në një postim në rrjetet sociale, shkruan se deklarata e Metës është shqetësuese dhe se presidenti nuk duhet të presë Gjykatën Kushtetuese për një process fals negociatash.

Postimi i plotë:

Është shqetësuese deklarata e Presidentit të Republikës që:?marrëveshja e detit me Greqinë të kalojë pas krijimit të Gjykatës Kushtetuese?…

Presidenti si kryetar i shtetit, nuk ka pse të presë Gjykatën Kushtetuese për të denoncuar një proçes fallco negociatash, totalisht të diktuar nga qeveria Greke!

Ai proces diktati, i pranuar paturpësisht nga Qeveria jonë, ka prodhuar një draft marrëveshje dhe një hartë skandaloze që është shkëmbim i pastër territori.

Jepet shelf continental për të marrë ujë me kripë!!

Presidenti, si përfaqësues i unitetit të popullit, duhet thjesht ta denoncojë këtë farsë dhe produktin e saj anti kombëtar.

Në vijim Ai duhet të na sigurojë se nuk do të autorizojë nënshkrimin e asaj marrëveshje, pavarësisht ka apo jo Gjykatë Kushtetuese!

Autorizimi (Plotfuqishmëria) është detyrë kushtetuese e Tij, jo e Gjykatës.

Ndaj ska pse të fshihet pas argumentit (jo të pa drejtë) që ska gjykatë, por të garantojë popullin Shqiptar që sdo lejojë shkëmbim territori me Greqinë!

Kaq i kërkohet të bëjë!/ CNA.al