“Ku të vjen për dreq Eni, hapi derën”/ Gazetari “degjeneron” juristen e njohur

4 Tetor 2018, 07:05, Aktualitet CNA

Gazetari Telnis Skuqi, ka reaguar pas lajmeve të raportuara dje në media, se juristja e njohur Eni Çobani është shoqëruar në polici, pasi akuzohej se ka kërcënuar një qytetare.

Në një postim në rrjetet sociale, gazetari telnis Skuqi shkruan se ?Gabimi i vetëm i Rudinës ishte se ajo ishte në të drejtën e saj, për të kërkuar një pjesë të pasurisë ish-bashkëshortore. Ishte Eni Çobani, avokatja gruaja që ishte kundër gruas?.

Sipas gazetarit, ?Eni Çobani kishte ardhur në Gjirokastër me dy qëllime; Të përfaqësonte palën e kundërt; si dhe të kërcënonte në fillim të seancës gjyqësore paditësen.?

Ndërsa më tej ai thekson se, duke shfrytëzuar pafytyrësisht statusin e vetshpallur “person publik”, Çobani intimidon si çoban një nënë të pambrojtur.

Gjithashtu ai shkruan se ?Personalisht unë e njoh kapacitetin e saj dhe e ka provuar mbi kurriz nivelin e saj të dobët intelektuar. As nëna ime nuk e ka numrin tim të telefonin, ndërsa Çobani jo vetëm e di numrin tim, por di edhe të kërcënoj. Ku të vjen dreqi Eni, hapi derën.?.

Postimi i plotë:

KU TË VJEN PËR DREQ ENI, HAPI DERËN

Nga Telnis Skuqi

Rudina është një nënë që e do jetën dhe dy vogëlushët e saj. Një ditë më parë, ajo ka përjetuar ditën më të keqe si femër. Dikush kishte ardhur enkas nga Tirana për ta intimiduar dhe ku më mirë mund ta realizonte atë se sa në Gjykatën e Apelit Gjirokastër. Gabimi i vetëm i Rudinës ishte se ajo ishte në të drejtën e saj, për të kërkuar një pjesë të pasurisë ish-bashkëshortore. Ishte Eni Çobani, avokatja gruaja që ishte kundër gruash. Ajo kishte ardhur në Gjirokastër me dy qëllime; Të përfaqësonte palën e kundërt; si dhe të kërcënonte në fillim të seancës gjyqësore paditësen.

Duke shfrytëzuar pafytyrësisht statusin e vetshpallur “person publik”, Çobani intimidon si çoban një nënë të pambrojtur. Të isha në pozicionin e gjyqtarit, gjëja e parë që do të bëja, do ta përjashtoja nga gjykimi, për shkak të mos respektimit të dinjitetit njerëzor, si dhe do të kërkoja një hetim penal për kërcënim dhe intimidim të personave të tretë.

Personalisht unë e njoh kapacitetin e saj dhe e ka provuar mbi kurriz nivelin e saj të dobët intelektuar. As nëna ime nuk e ka numrin tim të telefonin, ndërsa Çobani jo vetëm e di numrin tim, por di edhe të kërcënoj. Ku të vjen dreqi Eni, hapi derën./ CNA.al