web counter
LEXO PA REKLAMA!

SHKARKO APP

App Store
Google Play

Kërcënimi ndaj nënkomisarit Nuhu/ Prokuroria e Tiranës nis verifikimet

3 Tetor 2018, 15:52, Aktualitet CNA

Prokuroria e Përgjithshme ka sqaruar se shkresa e nënkomisarit, Emiljano Nuhu është dërguar në Prokurorinë e Tiranës, për të kryer verifikimet e nevojshme, për pretendimet e ngritura.

Në denoncim, Nuhu pretendon se është kanosur dhe kërcënuar për shkak të detyrës, nga deputeti socialist Rrahman Rraja dhe djali i tij, Rexhep Rraja.

Në kuadër të hetimit për denoncimin e Nuhut, i cili vazhdon ende, janë administruar të dhëna shkresore, janë këqyrur pamje filmike, si dhe janë pyetur persona që kanë dijeni për ngjarjen.

Deklarata e plotë

Prokuroria e Përgjithshme sqaron se pranë saj, është dërguar për dijeni, letra e nënkomisarit të policisë Emiljano Nuhu. Pavarësisht se shkresa e nënkomisarit Nuhu është e dërguar për dijeni, Prokuroria e Përgjithshme i ka dërguar materialin Prokurorisë së Rrethit Gjyqësor Tiranë, për të kryer verifikimet e nevojshme mbi pretendimet e kërkuesit Emiljano Nuhu, për kërcënimet dhe frikën për jetën.

Sipas parashikimeve të ligjit nr.10173, datë 22.10.2009 ?Për Mbrojtjen e dëshmitarëve dhe bashkëpunëtorëve të drejtësisë? është kërkuar të vlerësohet situata e paraqitur nga kërkuesi Emiljano Nuhu. Prokuroria e Rrethit Gjyqësor, Tiranë ka informuar se pranë kësaj prokurorie është regjistruar procedimi penal Nr.7103 për veprën penale ?Kanosja për shkak të detyrës? parashikuar nga neni 237 i Kodit Penal.

Ky procedim është regjistruar mbi bazën e referimit të Komisariatit të Policisë nr. 6 mbi bazën e kallëzimit të shtetasit Emiljano Nuhu. Në kallëzim, sikurse në shkresën e dërguar për dijeni Prokurorisë së Përgjithshme, kallëzuesi pretendon se është kanosur për shkak të detyrës nga ana e shtetasve Rrahman Rraja dhe Rexhep Rraja.

Në kuadër të hetimit të këtij procedimi penal janë administruar të dhëna shkresore, janë këqyrur pamje filmike si dhe janë pyetur persona që kanë dijeni për ngjarjen. Hetimi vijon me intensitet në drejtim të zbardhjes së rrethanave të ngjarjes, evidentimit të faktit penal dhe personave të dyshuar si të përfshirë. /CNA.al





14:53 Aktualitet

Pleqëria e bekuar

Nga Miron ÇakoKur lind një njeri të gjithë e urojnë: “Me jet...

Lajmet e fundit nga