E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Historia e shtëpisë që përçau familjen Makri/ Për çfarë akuzohet Eni Çobani

3 Tetor 2018, 11:55, Aktualitet CNA

Juristja e njohur Eni Çobani është shoqëruar në polici, ku edhe po merret në pyetje. Juristja Çobani ka qënë në një sencë gjyqësore në Gjykatën e Gjirokastrës kur e kanë shoqëruar.

Mësohet se ajo është akuzuar për kërcënim nga Rudina Islamaj, nga nusja e klientes së saj. Në një prononcim për Report TV, kushërira e Rudina Islamajt tha se juristja i është drejtuar asaj me fjalët ?Deri në momentin që unë do jem gjallë nuk ke shpëtim, do më kesh nga pas gjithë jetën?.

Pas këtyre fjalëve Rudina Islamaj telefonoi policinë, të cilët shoqëruan në komisariat për sqarime Eni Çobanin.-shkruan Report TV.

Kujtojmë se Çobani është avokatja e shtetases Merushe Makri, e cila në vitin 2016-të u përfshi në një konflikt me ish-nusen e djalit të saj, Rudina Islamaj. Sherri mes tyre u bë publik edhe në rubrikën ?Shihemi në gjyq? që drejton Çobani, ku vjehrra akuzoi nusen se e kishte rrahur dhe nxjerrë nga banesa.

Mësohet se gruaja që publikoi incizimin e kryetarit të Gjykatës së Gjirokastrës, Rudina Islamaj ka hapur proces gjyqësor për të përfituar në pronën e përbashkët që ka pasur me bashkëshortin e saj dhe njëherësh babanë e dy fëmijëve.

Në gjykatë, Rudina Islamaj ka kërkuar të shpallë të pavlefshme kontratën fiktive të kalimit të pronësisë së banesës nënës së bashkëshortit bërë vite më parë. Por, për këtë padi ish-vjehrra e ka kundërshtuar duke kërkuar rrëzimin e kërkesës së nuses. Për këtë fakt, 38-vjeçarja ka kërkuar ndihmë nga kryetari i Gjykatës, Guximtar Boçi, për ta ndihmuar. Sipas dëshmisë së saj, kryetari veç orientimit për të paguar lekë, i ka kërkuar edhe favore seksuale në çdo takim.

Ajo ka thënë se pas vendimit të shkallës së parë të gjyqtares Blerta Çibuku, e cila është shprehur në favor të ish-vjehrrës së dëmtuar, ajo kishte vendosur të regjistronte bisedat gjatë takimeve. Para hetuesve nëna e dy fëmijëve, ka treguar se biseda është regjistruar kur dosja ndodhej në Gjykatën e Apelit, ku Boçi kërkonte vazhdimisht favore seksuale që ta ndihmonte. Më pas, edhe Gjykata e Apelit i kishte dhënë të drejtë ish-vjehrrës duke bërë që e dëmtuara të shpresonte në vendimin e gjykatës së Lartë.

Në qershor të këtij viti, në dhomën e Këshillimit tre gjyqtarët e Gjykatës së Lartë kishin vendos mos pranimin e ankimit të bërë nga e dëmtuara edhe pse Kryetari i Gjykatës së Gjirokastrës ia kishte marrë përsipër për ta ndihmuar. Por pas këtij vendimi, nëna e 2 fëmijëve kishte mbetur pa shtëpi dhe pa pension ushqimor për fëmijët, duke bërë që të kërkoi ndihmë pranë tek emisioni ?STOP? për të publikuar audio-përgjimet dhe kërcënimet e kreut të Gjykatës së Gjirokastrës, ndaj të cilit kanë nisur hetimet dhe është pezulluar nga detyra. Rudina mësohet se ua ka bërë të qartë hetuesve se kishte vendosur të ndërmerrte hapin e publikimit të gjithë incizimeve pikërisht në kohën kur ajo pa që nuk do t`i jepej as pension për fëmijët jo më shtëpi. Do të jenë Krimet e Rënda që do të hedhin dritë mbi gjithçka ka ndodhur në atë çështje ku janë të implikuar jo pak persona, deri te gjyqtari që do të drejtonte trupën në Apel!