web counter
LEXO PA REKLAMA!

SHKARKO APP

App Store
Google Play

Takimi me Bushatin/ Zyrtari i lartë gjerman jep lajmin e mirë

2 Tetor 2018, 16:50, Aktualitet CNA

Ministri për Evropën dhe Punët e Jashtme, z. Ditmir Bushati priti sot në një takim Sekretarin Parlamentar të Shtetit në Ministrinë e Brendshme të Republikës Federale të Gjermanisë, z. Stephan Mayer, dhe delegacionin që e shoqëronte, të cilët po zhvillojnë një vizitë zyrtare në Shqipëri.

Në fillim të takimit, Ministri Bushati i shprehu Sekretarit të Shtetit Stephan Mayer vlerësimin për mbështetjen e pakushtëzuar të Gjermanisë në procesin e integrimit.

Ministri Bushati informoi mbi reformat në fushën e sundimit të së drejtës, duke nënvizuar se përmbushja e rekomandimeve është vullnet i qeverisë, jo vetëm në kuadër të integrimit, por mbi të gjitha për të ardhmen e vendit.

Sekretari gjerman i Shtetit theksoi se Shqipëria është në rrugën e duhur drejt Bashkimit Evropian, rrugë jo e lehtë, por e duhura, si dhe faktin që autoritetet gjermane njohin përpjekjet dhe sukseset e deritanishme të qeverisë shqiptare për të plotësuar angazhimet dhe detyrimet e ndërmarra.

Të dy palët vlerësuan bashkëpunimin ndërmjet institucioneve ligj zbatuese të të dy vendeve në luftën kundër krimit të organizuar, drogave narkotike, por edhe në parandalimin e emigracionit të paligjshëm.

Ministri Bushati dhe Sekretari gjerman i Shtetit Mayer ranë dakord që bashkëpunimi dhe shkëmbimi i eksperiencave do të vijojë në mënyrë intensive ndërmjet dy vendeve tona në fushat me interes të përbashkët. /CNA.al





Lajmet e fundit nga