E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Bllokimi i reformës zgjedhore/ Zgjidhja, mesazh për Bashën

2 Tetor 2018, 16:18, Aktualitet CNA

Bashkëkryetari socialist për reformën zgjedhore, Bledi Çuçi deklaroi ditën e sotme, se opozita nuk ka shkuar në komision me qëllim për ta bllokuar atë, ndërsa shtoi se javën e ardhshme, drafti përfundimtar do të bëhet publik pa konsensusin e palës tjetër.

Lidhur me këtë ngjarje

, partia Zgjidhja ka reaguar nëpërmjet një deklarate për shtyp.

Në deklaratë thuhet se ky është një lajm i mirë për popullin shqiptar, pasi dy partitë e mëdha deri dje ishin në konsensus për të bllokuar demokratizimin e zgjedhjeve.

Zgjidhja beson se PD dhe PS ende kërkojnë të mos ndryshojnë reformën zgjedhore, edhe pse thonë se po bëjnë amendime të adresuara nga OSBE/ ODHIR-i.

Gjithashtu Zgjidhja i ka bërë thirrje kreut të opozitës, Lulzim Basha, që të heqë dorë nga pazaret me votën e shqiptarëve.

Deklarata e plotë

Deklaratë shtypi e partisë ZGJIDHJA Sikur të ishte e vërtetë Bashkëkryetari socialist i Komisionit të Posaçëm për reformën zgjedhore, Bledi Çuçi, tha sot se opozita nuk ka shkuar në Komision, duke bllokuar punën për realizimin e saj dhe se javën e ardhshme do të bëhet publik drafti përfundimtar pa konsensusin e opozitës.

Partia ZGJIDHJA deklaron se nëse do të ishte e vërtetë kjo që pretendon deputeti i PS-së, ky do të ishte një lajm i mirë për demokracinë dhe popullin shqiptar, sepse Rilindja dhe SHQUP-i deri dje ishin në konsensus për të bllokuar demokratizimin e zgjedhjeve, duke bërë vetëm disa retushime të vogla, siç deklaroi eksperti i Komisionit të Venecias, Iurie Ciocan, një muaj më parë.

ZGJIDHJA beson se, ashtu si në të kaluarën, dy partitë e vjetra janë bashkë për të mos ndryshuar asgjë në reformën zgjedhore, edhe pse thonë se po bëjnë amendime që adresojnë rekomandimet e OSBE/ODIHR-it. Nëse do ta kishin me të vërtetë ato do të pranonin të hiqnin dorë nga administrimi bipartizan i zgjedhjeve, t?i çlironin ato, duke mundësuar që edhe në Shqipëri zgjedhjet të zhvillohen si në të gjitha vendet e rajonit dhe në botë.

ZGJIDHJA i kërkon Lulzim Bashës që t?u japë fund pazareve me votën e shqiptarëve. Nëse e ka seriozisht opozitën me qeverinë t?i heqë pushtetin mbi votën Edi Ramës. SHQUP-i në këtë rast do të humbasë edhe vetë monopolin mbi zgjedhjet, por të fituar do të jenë shqiptarët dhe demokracia. /CNA.al