web counter
LEXO PA REKLAMA!

SHKARKO APP

App Store
Google Play

E fundit!

x

Me pranga në duar kërcënoi Bashën/ Kryedemokrati i përgjigjet Rexhep Rrajës

2 Tetor 2018, 14:39, Aktualitet CNA

Pas mesazhit që Rexhep Rraja i adresoi kreut të demokratëve, teksa ishte duke dalë nga ambientet e Gjykatës së Krujës ku u njoh dhe me masën e sigurisë, ka reaguar Lulzim Basha.

Në një një postim në rrjetet sociale, Basha shkruan se Rexhepi para se të dhunonte dhe vajzën ka dhunuar zgjedhjet, dhe ka ndihmuar që të vijë në pushtet Edi Rama, i fundit ky që po e mbron nga burgu.

?Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet?,- shkruan ndër të tjera, Basha.

Postimi i plotë:

Para se të kthehej në përdhunues dhe torturues vajzash, Rexhep Rraja ishte dhunues zgjedhjesh. Rexhep Rraja dhe kriminelët e tjerë sollën në pushtet Edi Ramën, dhe pushteti i Edi Ramës e mbrojti atë nga dalja para drejtësisë për vjedhjen e votave. Pushteti që i ati dhe Edi Rama mbajnë me votat e vjedhura, e mbrojtën Rexhepin edhe kur përdhunoi.

Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet. Sepse Rexhepi e di mirë se kur vjedh zgjedhjet je zot që mund të bësh çfarë të duash, të grabisësh të përdhunosh të vrasësh. Që Rexhepi të mos dhunojë më, duhet që Edi Rama të mos ketë më pushtet!/ CNA.al

 





Lajmet e fundit nga