web counter
LEXO PA REKLAMA!

SHKARKO APP

App Store
Google Play

Rrëzimi me dhunë i Ramës?/ Basha zbulon arsyen pse nuk i mbledh qytetarët

27 Shtator 2018, 20:13, Aktualitet CNA

Kryetari i Partisë Demokratike, Lulzim Basha i ftuar në emsionin ?Të Paekspozuarit? në News24, ka treguar pse nuk e nxjerr popullin në shesh që të pushtojë Kryeministrinë dhe të rrëzojë me dhunë Edi Ramën.

Basha ka thënë se qëllimi i partisë politike është të bindë popullin dhe ti ofrojë alternativë. Ai ka theksuar se po të bëj thirrje për të rrëzuar Ramën me dhunë është grusht shteti, ndërsa po të dalë populli atje, është forca e sovranit.

?Që unë dua që Rama të rrëzohet që sonte këtë mos e vini në diskutim! Por kryetari i opozitës nuk mund të bëjë thirrje që të kërkojë rrëzimin me dhunë të Ramës. Rrëzimin qoftë dhe me dhunë të Ramës mund ta bëjë populli. Qëllimi i partisë politike është të bindë popullin dhe ti ofrojë alternativën. Unë po paraqes para shqiptarëve alternativën për të shkatërruar këtë sistem. Sepse edhe nëse ikën Rama, por po ngelën bandat, oligarkët dhe këto media të blerë, ngelemi sërish aty ku jemi.

Alternativa jonë nuk merret vetëm me Ramën, por me gjithë sistemin. Po të bëj thirrje për të rrëzuar Ramën me dhunë është grusht shteti. Po të dalë populli atje, është forca e sovranit. Unë se kam problem që të thërras që nesër 10 mijë militantë dhe e rrëzoj Ramën por çfarë ndodh. Del Trumpi, Merkeli dhe thonë që Basha e mori pushtetin me dhunë. Por nëse del vetë populli, atëherë ata i thonë Ramës largohu nga zyra sepse e kërkon populli?, tha Basha./ CNA.al





Lajmet e fundit nga