web counter
LEXO PA REKLAMA!

SHKARKO APP

App Store
Google Play

Abuzimi me fondet në Bashkinë e Korçës/ Tre milion euro për zyrat e reja

27 Shtator 2018, 18:58, Aktualitet CNA

Dega e Partisë Demokratike e Korçës, ka akuzuar bashkinë e qytetit për abuzime me fondet.

Në një deklaratë për mediat, këshilltarja e djathtë, Sorina Koti, është shprehur se bashkia ka harxhuar 3 milion euro për zyrat e reja, ndërsa Korça ka nevojë për investime.

Në deklaratë ndër të tjera, Koti ka thënë se 3 milion euro mund të përdoreshin për ndihmë ekonomike, rrugë, gjelbërim, kanalizime.

Sipas Kotit, nëpunësit dhe pushtetarët për Bashkinë e Korçës, janë më të rëndësishëm se qytetarët.

“Sot jemi përpara një prove të një arrogance megalomanie të pushtetit. Zyrat e reja të bashkisë 3 milion euro. Për të sqaruar këdo që fshihet pas fasadës,  dhe për të ndërgjrgjësuar këdo, që hutohet prej fasadës.  Ne nuk jemi kundër investimeve. Ne duam investime. Korça ka shumë probleme që mund të zgjidhen me 3 milion euro, ndihmë ekonomike, rrugë, gjelbërim apo kanalizime, duke mos përmendur mbylljen e shkollave dhe mungesën e mjkeve dhe pajisjeve në qendrat shëndetësore. Nënpunësit dhe pushtetarët janë më të rëndësishëm se qytetarët”, thuhet ndër të tjera në deklaratën e PD. /CNA.al





Lajmet e fundit nga